იაშარ ქემალი
| იაშარ ქემალი | |
.jpg) იაშარ ქემალიშ ნოჭახნაკუ მჩირიშ მუზეუმს | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 28, 2015 (91 წანერი) |
| ღურაშ აბანი: |
სტამბოლი, თურქეთი |
| ერუანობა: | |
| საქვარუა: | |
| პერიოდი : |
1943–2002 |
| Magnum opus: |
მემედი, ჩქიმი ქირი (1955) |
| ნინა: | |
| ჯილდოეფი: |
საუჯგუშო ურცხონინამი წინგიშ პრემია (1979) |
|
| |
იაშარ ქემალი (თურქ. Yaşar Kemal), თახმი ჯოხო: ქემალ სადიქ გოქჩელი (თურქ. Kemal Sadık Gökçeli; დ. 6 გჷმათუთა, 1923, გოქჩედამი, ოსმანიე, თურქეთი — ღ. 28 ფურთუთა, 2015, სტამბოლი, თურქეთი) — თურქი, ეთნიკურო ქურთი ჭარუ, პოეტი დო ნოველისტი.
იაშარ ქემალიქ დებადჷ ოსმანიეშ პროვინციაშ ოფუტე გოქჩედამს, ეთნიკური ქურთეფიშ ფანიას. 1940-იან წანეფს სტამბოლიშ უნივერსიტეტის გურაფულენდჷ. გურაფაშ თებაშ უკული მუშენდჷ ჟურნალისტო. კომუნისტური აქტივიზმიშ გეშა ქემალი 1950 წანას ოჭოფეს. 1962 წანას იაშარ ქემალიქ ქაკათჷ თურქეთიშ მუშეფიშ პარტიას დო რდჷ თიში ართ-ართი ლიდერი. 1967 წანას ქემალიქ ქუდარსხუ მარქსისტული გაზეთი, სოდეთ გჷმაბჟინუ სტატიეფი ნამუეფით ორხველუდჷ ენგელსიშ, მარქსიშ, ხო ში მინიშ დო ჩეგევარაშ პოლიტიკურ რინას. 1971 წანას თურქეთიშ თარობაქ გაზეთი დოკილუ. თურქეთის იაშარ ქემალის თხოზუდეს. ჸათეშ გურშენ მალას შვედეთიშა მიდართჷ, სოდეთ ჭიჭე ხანს ქოცხოვრენდჷ.
იაშარ ქემალი რდჷ ქურთეფიშ ნებეფიშ აქტივისტი დო აპროტესტენდჷ თურქეთიშ პოლიტიკას ქურთი დისიდენტეფიშ მეხჷ.
1943 წანას ქემალიქ გჷმაბჟინუ მუში პირველი წინგი, ნამუთ ფოლკლორული ნაწარმებეფიშ კათელი რდჷ. 1944 წანას გიშართჷ ქემალიშ პირველ თხობელუაქ "უწუნდური ანბე". უკულიან წანეფს თის მაჸუნჷ შხვა ნაწარმებეფქ: "ბაღანა", "ნოქარი", "მემეთი დო მემეთი". 1952 წანას გიშართჷ თხობელუეფიშ კათელქ "ყვინთელი სიტიბა". იაშარ ქემალის დიდი პოპულარობა მოუღჷ რომანქ "მემედი, ჩქიმი ქირი", ნამუქჷთ მოსოფელიშ ბრელი ნინაშა ითანგჷ.
მუში ლიტერატურული კარიერაშ გოძვენას ქემალიქ მიპალუ 19 საირქიანო ჯილდო დო 1973 წანას ნომინირაფილი რდჷ ნობელიშ პრემიაშა.
იაშარ ქემალიქ ღურუ 2015 წანაშ 28 ფურთუთას, 91 წანერქ. იაშარ ქემალი მერჩქინელი რე თურქული ლიტერატურაშ ართ-ართ უდიდაშ წჷმმარინაფალო. ქემალი რდჷ შხვადოშხვა უნივერსიტეტეფიშ საპატიო დოქტორი.
რესურსეფი ინტერნეტის
[რედაქტირაფა | წყუშ რედაქტირაფა]- იაშარ ქემალი ენციკლოპედია ბრიტანიკას
- ნიუ-იორკ თაიმსიშ ნეკროლოგი