ინფექცია

ინფექცია (გვიან. ლათ. infectio - დალახება) — პათოგენური პარაზიტიშ მიშაჭკირუა ადამიერიშ ვარ-და ჩხოლარიშ ორგანიზმშა დო თიშ დალახება. ორგანიზმის მიშაჭკირუაშე ინფექციაშ გჷმმაჭანაფალი ინმიპარკებჷ გორკვიაფილ ორგანოეფს დო ნორშვეფს. მიშაჭკირილი პარაზიტიშ დო „მენძელიშ“ ორგანიზმიშ შქას იჭყაფჷ რთული ურთიართგაულა - ინფექციური პროცესი, ნამუთ იკათუანს გჷმმაჭანაფალიშ რინაშ ახალ პიჯალეფწკჷა მერგეშუას, გომიარაფას, პროცესიშ დისემინაციას, მეტასტაზეფიშ გორჩქინას, დალახებური ორგანიზმიშ ინტოქსიკაციას დო შხვა. ინფექცია გიშმარჩქინდჷ ლახარაშ კონწარი ვარ-და ქრონიკული ფორმათ დო ვარ-და ინფექციაშ მაღელობათ. ინფექციაშ ფორმა დოჸუნს გჷმმაჭანაფალიშ მუშობურობეფს - ვირულენტალაშა, ეგზო- დო ენდოტოქსინეფიშ გჷმომუშებაშ ღვენაშა, მიშაჭკირილი გჷმმაჭანაფალიშ მუდანობაშა დო შხვა. ხოლო დიდი შანულობა უღუ ორგანიზმიშ დგომარობას, თიში მუკოდვალაშ ღვენას ვარ-და თე დო თი ლახარეფშო მენჭაფას. კანკალე გჷმმაჭანაფალიშ ორგანიზმის ინოპარკება ვეჭანუანს პათოლოგიური პროცესიშ გოვითარაფას. თეჯგურა გჷმმაჭანაფალეფშა პიჯობურო პათოგენური უჯოხონა. თინეფს დიდი ხანიშ გოძვენას შეულებჷნა უსიმპტომეთ რდან კანიშ დო ცქირცქამი დაცხეფიშ ჟიპიჯის, ყია-ჭჷს დო შხვადო, ვინდარო ტრავმა, გორგილაფა ვარ-და შხვა ხემანწყუ ფაქტორი ვაკუქიმინუნს ომანგე პიჯალეფს მალახებერი მუშობურობეფიშ გიშარჩქინალო.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.