იოსე ქირსეშ ჯვარცუნაფა

ვიკიპედიაშე
იოსე ქირსეშ ჯვარცუნაფა
(ნოვგოროდიშ სკოლაშ ხატი)

იოსე ქირსეშ ჯვარცუნაფა — იოსე ქირსეშ წამება ჯვარმოცუნაფათ, ეპიზოდი, ნამუთ ითებუ იოსე ქირსეშ ნებეფით დო იოსე ქირსეშ მუმალი ნთხორუათ დო ამაღალებათ.

სახარებაშული თხობელუეფი[რედაქტირაფა | წყუშ რედაქტირაფა]

იოსე ქირსეშ ჯვარცუნაფაშე რაგადანს ოთხოლო ევანგეისტი დო ირი მუში თხობელუას გინმოჩანს:

სახარება ეჭარუა
მათეში
(მათე /27:33/-38)
დო ქუმორთ აბანშა, გოლგოთათ გედვალირშა, ნამუთ შანენს: ჸვა-ში აბანს, ის გეიოშუმაფეს ძმარი, წალათი კათაფილი; დო ურაგადუდჷ, შუმა ვაკოდჷნ. ჯვარცუნაფილი იოსეშ მუკაქუნალს გითმირთჷნდეს, კალიშრღვაფათ; დო თექ დოხუნელო, გუთმოჭკირუნდეს; დო იშ დუდიშ ჟილე მუკაბუნეს მუკნაჭარა, იში ბრალიშ მაშანაფალი: თენა რე იოსე, იუდეაშ მაფა. იწკჷმა ჯვარს მაცუნეს ჟირი ავაზაკი: ართი მარძგვანი ჸურე, მაჟირა — კვარჩხანი ჸურე.
მარკოზიში
(მარკოზი /15:22/-27)
დო ქიმიჸონეს თ'ინა აბანშა გოლგოთაშა, ნამუთ შანენს: ჸვა-ში აბანს. დო ოშუმაფუანდეს ის წალაკათაფილ ღვინს; მარა ის ვაუშუმჷ. იშ მაცუნალეფი იშ მუკაქუნალს გითმირთუნდეს, კალიშრღვაფათ, მის მუ ხვადუდჷკონ. სუმი საათი რდჷ, დო ინა ჯვარს მაცუნეს. დო რდჷ მუკნაჭარა იში ბრალიში: იუდეაშმაფა. იწკჷმა ართო ჯვარს მაცუნეს ჟირი ავაზაკი, ართი მარძგვანშე, მაჟირა იში კვარჩხანშე. დო გერთჷ წჷმიწორენარაგადუ ზიტყვეფქ: დო ავაზაკო მერჩქინელი იჸი. მუკმალუეფი ის ლანძღჷნდეს, დუდს ურქიენდეს დო რაგადანდეს: ეჸ! აკმაცჷმე ოხვამე, ნამუთ სუმ დღას აკმიგაფუდჷნ! ქემეხვარი დუდს დო გაგჷმორთი ჯვარშე.
ლუკაში
(ლუკა /23:33/-43)
დო მუჟამსჷთ ქუმორთჷ აბანშა, ჸვაშით გედვალირშა, სოდე მაცუნეს ინა დო ავაზაკეფი, ართი მარძგვანშე, მაჟირა კვარჩხანშე. იოსე რაგადანდჷ: მუმა! უალე თინეფს, ვინდარო ვაუჩქჷნა მუს ორთჷნა. დო იშ მუკაქუნალს გითმირთჷნდეს, კალიშრღვაფათ. დო გერდჷ კათა დო უჯინედჷ. თინეფწკჷმა ართო გეთმიაძიცანდეს მადუდეეფი ხოლო, დო რაგადანდეს: შხვეფს ოხვარუდჷ; ქემერთას დო მუშ დუდს მეხვარას, იოსე ქირსე, ღორონთიშ გიშნაგორა ქორე-და. თაშნეშე მალიმორეფი ხოლო აწვალენდეს ის, ნამსჷთ მეთმიარზიენდეს ძმარს: სი იუდეაშ მაფა ქორექ-და, დუდს ქემეხვარი. დო იშ ჟილე რდჷ მუკნაჭარა, ნამუთ ჭარილი რდჷ ბერძენულო, რომაულო დო ურიულო: თენა რე იუდეაშ მაფა. ართ-ართი მოცუნაფილი ავაზაკი ის ეკმაწამენდჷ დო ურაგადუდჷ: სი იოსე ქირსე ქორექ-და, დუდსჷთ ქემეხვარ დო ჩქჷთ. მაჟირა ავაზაკი, სამინოთ, უჟამარუდჷ მაართა ავაზაკის დო ურაგადუდჷ: ვაგოშქურუნო ღორონთშა, მუჟამსჷთ სი ხოლო გოსამართალაფირი რექ თეშენინ? დო ჩქი [გოსამართლაფირი ვორეთ] ნოსამართეთ, თიშ გეშა ნამჷ-და ჩქინი ნამქიმინათი ღირსი ვორეთჷნ, ის მუთუნ გლახა ვაუქიმინჷ. დო უწუ იოსეს: ქუმომშინე, ღორონთი, მუჟამსჷთ სქანი სამოთხეშა ქიმულინ! დო უწუ თის იოსექ: ჭეშმარიტო გირაგადუქ სი, ანწიშე სი ჩქიმწკჷმა სამოთხეს იჸუაფუქ.
იოანეში
(იოანე /19:17/-25)
დო, მუში ჯვარიშ ღალაშ ბორჯის, თიქ ქჷმორთჷ აბანშა, ჸვაშით გედვალირშა, ურიულო გოლგოთაშა; თექ ჯვარს მაცუნეს თინა დო ხოლო შხვა ჟირი, ართი დო მაჟირა ჸურე, ოშქაშეთ იოსე. პილატექ ჭარჷ მუკნაჭარა, დო ქემკაბუნუ ჯვარს. ჭარილი რდჷ: იოსე ნაზარევალი, იუდეაშ მაფა. თე მუკნაჭარას მიარე იუდევარი კითხულენდჷ, თიშ გეშა ნამჷ-და აბანი, სოდე იოსე ჯვარს მაცუნესჷნ, ნოღაწკჷმა არხოს რდჷ, დო ჭარილი რდჷ ურიულო, ბერძენულო, რომალულო. იუდეაშ პაპათარეფი პილატეს ურაგადუდეს: ვაჭარა: იუდეაშ მაფა, თიშენი ნამჷ-და თინა ხო ქორაგადანდჷ: მა იუდეაშ მაფა ვორექია. პილატექ უგამჷ: მუთ ბჭარინ, თინა ბჭარი. მალიმორეფქ, მუჟამსჷთ იოსე ჯვარს მაცუნესჷნ, გეჭოფეს თიშ მუკაქუნალი დო გორთეს ოთხ ნორთო, ირ მალიმორშო პიტა-პიტათ; მუკოქვენჯი ნაჭა ვარდჷ, ედომუშამი ნორშვი რდჷ. თეშნერო უწუეს ართიანს: ვაგოფსოფათ მუკაქუნალი, კალი იბრღვათ, მიშ იჸინ, — დო გერთას წიმიწორენარაგდუქ: გირთეს მუკოქვენჯი ჩქიმი ართიანწკჷმა კალიშრღავაფთ. თაშ ქიმინეს მალიმორეფქ. იოსეშ ჯვარწკჷმა გერდეს დიამუში მარიამი დო მარიამიშ და, მარიამ კლეოპოვა, დო მარიამ მაგდალინარი.
ხვილაფა: ჟილე მოჩამილი სახარებაშ ნორთეფიშ თანგუაშ გეშა: მოჩამილი თანგუა პიჯული რე დო ოხვილობაშ შვანს ოხვილჷ მათანგალწკჷმა სხუნუას.


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.