კაბო-ვერდე
| კაბო-ვერდეშ რესპუბლიკა | ||||||
|---|---|---|---|---|---|---|
|
||||||
| დევიზი: პორტ. Unidade, Trabalho, Progresso (მარგ. „ართობა, მუშობა, პროგრესი“) |
||||||
| ჰიმნი: პორტ. Cântico da Liberdade (მარგ. „დუდიშულაშ ხიობა“) |
||||||
.svg) |
||||||
| ნანანოღა (დო უკაბეტაშ ნოღა) | პრაია / | |||||
| ოფიციალურ ნინა(ეფი) | პორტუგალიური ერუანულ ნინა: კაბოვერდულ კრეოლი |
|||||
| თარობა | უნიტარული, გვერდო საპრეზიდენტო რესპუბულიკა | |||||
| - | პრეზიდენტი | ჟოზე მარია ნევეში | ||||
| - | პრემიერ-მინისტრი | ულისეშ კორეია ი სილვა | ||||
| ფართობი | ||||||
| - | გვალო | 4,033 კმ2 (166-ა) | ||||
| მახორობა | ||||||
| - | 2022 ფასებათ | 593,149[1] (172-ა) | ||||
| - | მეჭედალა | 147.1 ად/კმ2 (89-ა) | ||||
| ედპ (ჸუპ) | 2023 ფასებათ | |||||
| - | გვალო |  $5.717 billion[2] (170-ა) |
||||
| - | ართ მახორუშე | $9,909 (125-ა) |
||||
| აგი (2022) | 0.661 (131-ა) | |||||
| ვალუტა | კაბოვერდულ ესკუდო (CVE) |
|||||
| ბორჯიშ ორტყაფუ | -1 | |||||
| ქიანაშ კოდი | CV | |||||
| Internet TLD | .cv | |||||
| ოტელეფონე კოდი | +238 | |||||
.svg)
კაბო-ვერდე (პორტ. Cabo Verde [ˈkabu ˈveɾdɨ], კაბ.კრე. Kabu Verdi [ˈkabu ˈveɾdi]), ოფიციალურ ჯოხოდვალა — კაბო-ვერდეშ რესპუბლიკა (პორტ. República de Cabo Verde [ʁɛˈpublikɐ dɐ ˈkabu ˈveɾdɨ], კაბ.კრე. Repúblika di Kabu Verdi [ɾɛˈpublikɐ di ˈkabu ˈveɾdi]; 1986 წანაშახ ჯოხოდჷ წვანე კოდმეშ კოკეფიშ რესპუბლიკა) — კოკ დო [არქიპლაგი|არქიპელაგიურ]] სახენწჷფო ბჟადალ აფრიკას, ცენტრალურ ატლანტიშ ოკიანეს მადვალ ვით ვულკანურ კოკის, აფრიკაშ წყარპიჯშე 600 კმ-შ მეძენას. კაბო-ვერდეშ კოკეფი, აზორიშ, კანარიშ, მადეირაშ დო ტყარ კოკეფწკჷმა ართო აკომოკათჷნა მაკრონეზიაშ ეკორეგიონს.
15-ა ოშწანურაშახ კაბო-ვერდეშ არქიპელაგ ვა რდჷ ადამიერეფით დოხორელი, ისტორიულ ნარატივეფიშ მეჯინათ, ნამუეფჷთ შილებე ზუსტ ვარდასჷნ, მუჟანსჷთ პორტუგალიარ მარკვიალეფქ კოკეფიშ კოლონიზირება იქუესჷნ, გაჭყეს პირველ ევროპულ ხორუა ტროპიკეფს. მა-16 — მა-17 ოშწანურეფს, სტრატეგიულ ორენიშ გეშა, კაბო-ვერდექ ტრანსატლანტიკურ ჭკორეფით ვაჭრუაშ შანულამ ცენტრო გჷნირთუ. თი ბორჯის კოკეფს უღჷდეს ეკონომიკურ წუმოძინა, ნამუთ მუშჸურე გოთანჯილ რდჷ ჭკორეფიშ ვაჭრუათ, ნამუთ თაშნეშე მიკმინჭანდჷ ვაჭარეფს, კერზო პიჯეფს დო კორსანტეფს. 19 ოშწანურას, მუჟანსჷთ ბრიტანეთიშ იმპერიაქ ატლანტიკურ ჭკორეფით ვაჭრუა ქინაფორსჷნ, ეკონომიკაქ ქუდანთხჷ დო თე ბორჯის მახორუეფქ ემიგრაციაშა მიდართეს. თეშ უმკუჯინალო, კაბო-ვერდექ ჭიე-ჭიეთ გეგშიკეთჷ ეკონომიკურო, გჷნირთუ შანულამ კომერციულ ცენტრო დო თარ პუნქტო ხვამარდეფიშ თარ მარშრუტის. 1975 წანას, კაბო-ვერდექ ზოხორინელ სახენწჷფოთ გჷნირთუ.
ორდოიან 1990-იანი წანეფშე, კაბო-ვერდე რე სტაბილურ წჷმმარინაფონ დემოკრატია დო სქიდუ აფრიკაშ ართ-ართ არძაშე წუმოძინელ დო დემოკრატიულ ქიანათ. ორთაშობურ დინოხურიშეფიშ ნარკულობაშ გეშა, ქიანაშ წჷმმაძინუ ეკონომიკა თარო ორიენტირებულ რე ნინალაშა, ნამუშ მაძინე აქცენტ რე ტურიზმიშა დო შხვაშ თურ ინვესტიციეფშა. ქიანაშ მახორობაშ დოხოლაფირო 596,000 ადამიერ რე (2022 წანაშ მუნაჩემეფით) უმენტაშო სუბ-საჰარულ აფრიკულ დო მორჩილ ევროპულ მონძალაშ მოღვენი, რელიგიაშ მეჯინათ უმენტაშო კათოლიკეეფ რენა, ნამუთ პორტუგალიურ გამაგალაშ მონძალაშ შედეგ რე. შანულამ კაბო-ვერდულ დიასპორა რე მოსოფელს, გიშაკერზაფილო ააშ-ს დო პორტუგალიას, ნამუეფიშ მუდანობა კოკეფიშ მახორობას შანულამო უწორუანს. კაბო-ვერდე აფრიკაშ რსხუშ მაკათურ რე.
კაბო-ვერდეშ ოფიციალური, სახენწჷფო ნინა რე — პორტუგალიური.[3] აღიარაფილ ერუანულ ნინა რე კაბოვერულ კრეოლი, ნამუშათ რაგადანს მახორობაშ უმენტაშობა. 2021 წანაშ მახორობაშ ეჭარუაშ მეჯინათ, არძაშე უმოსო დოხორელ კოკეფ რე: სანტიაგუ, სოდე იდვალუაფუ ნანანოღა პრაია (269,370), სან-ვისენტი (74,016), სენტუ-ანტეუ (36,632), ფოგუ (33,519) დო სალი (33,347). უკაბეტაშ ნოღეფ რე: პრაია (137,868), მინდელუ (69,013), ეშპარგუში (24,500) დო ასომადა (21,297).[4]
რესურსეფ ინტერნეტის
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Population, total - Cabo Verde. კითხირიშ თარიღი: 17 November 2022.
- ↑ World Economic Outlook Database, October 2023 Edition. (Cape Verde). International Monetary Fund (10 October 2023). კითხირიშ თარიღი: 26 October 2023.
- ↑ Constituição da República de Cabo Verde. კითხირიშ თარიღი: 11 March 2017.
- ↑ Cape Verde: Islands, Municipalities, Cities & Urban Localities - Population Statistics, Maps, Charts, Weather and Web Information. კითხირიშ თარიღი: 2024-02-07.
 |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |