კაკაო

ვიკიპედია-შე
გეგნორთი: ნავიგაცია, გორუა
კაკაო
Matadecacao.jpg
მენცარული კლასიფიკაცია
ომაფე: ჩანარეფი
გჷნართი: პიოლამეფი
კლასი: ჟირლებერამეფი
რანწკი: ბამბაქსიშობურეფი
ფანია: ბარბაშობურეფი
გვარი: თეობრომა
ბუნა: კაკაო
ლათინური ჯოხო
Theobroma cacao
თხილუაშ სტატუსი

Wikispecies-logo.svg
სისტემატიკა
ვიკინერობეფს

Commons-logo.svg
სურათეფი
ვიკიოწკარუეს


Theobroma cacao

კაკაო, შოკოლადიშ ჯა (ლათ. Theobroma cacao) — რსხულდაბალი (5—8 მ) იროწვანე ჯა ბარბაშობურეფიშ ფანიაშ ჩანარი. უღუ რუმე წვანე, გოსარსალერი ფურცელეფი დო ჸვინთელი ვარდა მოჭითე პეულეფი. გუმნაღელი (კოლოფა) ჸვინთელი, ნარინჯიშფერი ვარდა ჭითა რე, თიში სიგჷრძა რე 30 სმ, სიგანა — 10—12 სმ, 300—600 გ-ს იწონუ დო 25—60 თაი მილაძჷ. ჸოფარინას „კაკაოშ საკი“ უჯოხონა. ტყარო ირდუ ცენტრალურ დო ობჟათე ამერიკაშ ლამე ტროპიკულ ტყალეფს. ჯვეშითჯვეშიშე კულტივირაფილი რე ჟირხოლო გვერდოსფეროშ ტროპიკეს. თარო ამიარენა თასით. ჯგირო ხარენს ორანჟერეეფს. თეობრომინიშ დო მთრიმლავი ნიფთიერობეფიშ კათაფაშ გეშა თასის წარე, წკვატე გემო უღუ. ოსინჯებელი მუშობურობეფიშ გაუჯგუშაფალო ატატაეშაღალირჷ თასის 2—7 დღა-სერიშ გოძვენას უტარენა ფერმენტაციას, მუშ შედეგო თინა გემუანი გემოს დო არომატის შიბულენს.

კაკაოშ თასიშ აკოდგინალუას რე (სქირე ნიფთიარობაშა გინოანგარიშაფათ %-ის): წყარი 4—6; ციმუ, კაკაოშ ზეთი 51—54; ცაცლაბი 7—19; გლუკოზა, ფრუქტოზა 1—2; ცილა 10—12; თეობრომინი, კოფეინი 1—1,5; მთრიმლავი ნიფთიარობეფი 4—7; ბჟალეფი 1—2; მინერალური ნიფთიარობეფი 2-3. კაკაოშ გუმნაღელშე ღებულენა ღარღილს, ღარღილიშ ჭიფას ქუალათ — „კვარკვაზელ კაკაოს“, ნამუშე კაკაოშ ზეთის დო შოკოლადის აკეთენა. კვარკვაზელი კაკაოშ აკოჭაჭახუათ ღებულენა კაკაოშ ზეთის, დოსქილადირ კოპტონშე — კაკაოშ ქვირს.

ლიტერატურა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]