კალიმაქე

ვიკიპედიაშე
კალიმაქე
დაბადებაშ თარიღი:

დოხოლაფირო ჯვ.წ. 310

დაბადებაშ აბანი:

კირენა, პტოლემეეფიშ ომაფე

ღურაშ თარიღი:

დოხოლაფირო ჯვ.წ. 240

ღურაშ აბანი:

ალექსანდრია, პტოლემეეფიშ ომაფე

ერუანობა:

ჯვეში ბერძენი

საქვარუა:

პოეტი, ბიბლიოთეკარი

Magnum opus:

ბაძაძეფი

ჟანრი:

ეტიოლოგია, ეპიგრამა, ეპილიონი

ნინა:

ჯვეში ბერძენული ნინა

"ბაძაძეფი"-შ ფრაგმენტეფი

კალიმაქე (ჯვ.ბერძ. Καλλίμαχος, დ. დოხოლაფირო ჯვ.წ. 310, კირენა, პტოლემეეფიშ ომაფე — ღ. დოხოლაფირო ჯვ.წ. 240, ალექსანდრია, პტოლემეეფიშ ომაფე) — ჯვეში ბერძენი პოეტი დო ბიბლიოთეკარი, ელინიური პერიოდიშ ჯვეში ბერძენული ლიტერატურაშ ართ-ართი უდიდაში წჷმმარინაფალი. რე ავტორი დოხოლაფირო 800 ლიტერატურული ნახანდიშ ლიტერატურაშ შხვადოშხვა ჟანრეფს. კალიმაქეშ ნაჭარეფიშ უმენტაშობაშ ხვალე ფრაგმენტეფქ მაჭირინუ ასეიან ბორჯიშა.

კალიმაქექ დებადჷ კირენას (ასეიან ლიბიაშ ტერიტორია). გურაფულენდჷ ალექსანდრიას. გურაფაშ თებაშ უკული მუშენდჷ ალექსანდრიაშ სკოლას. მალას კალიმაქეს, პტოლემე II-შ პატრონაჟით ალექსანდრიაშ ბიბლიოთეკას ქუდუჭყაფჷ მუშობა. ბიბლიოთეკას მუშობაშ ბორჯის კალიმაქექ აკადგინჷ პინაკეფი, ბერძენული ლიტერატურაშ კატალოგი. კალიმაქეშ თარი ლიტერატურული ნახანდი რე "ბაძაძეფი" (Αἴτια). მენცარეფიშ აზრით ბაძაძეფიშ ჭარუაშ თარიღი ოკო რდას ჯვ.წ. 270-240 წანეფი. თაშნეშე კალიმაქე ავტორი რე შხვადოშხვა ეტიოლოგიური პოემეფიშ, ეპიგრამეფიშ, რელიგიური ჰიმნეფიშ, სატირული იამბეფიშ დო ეპილიონიშ - "ჰეკალე".

ბრელი რე ჭარილი, ლიტერატურული კონფლიქტიშ გეშა, ნამუთ კალიმაქეს ნოღვე არგონავტიკაშ ავტორი აპოლონიოს როდოსალიწკჷმა, მარა თეში ჭიჭე ნტკიცება ხოლო ვაარსებენს დო თენა სპეკულაცია უმოსო რე.

ლიტერატურა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]



wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.