კანონი (ნორმატიული აქტი)

ვიკიპედია ხასჷლაშე
გეგნორთი: ნავიგაცია, გორუა

კანონი რე სახენწჷფოშ უმაღალაში წჷმმარინაფალური ორგანოშით გჷშაკერძაფილი წესით ეჭოფილი აქტი, ნამუთ არეგულირენც უშანულამაშ ჯარალუობურ ურთიართობეფც. კანონეფი არძოშე გოფაჩილი ფორმა რე, მუდგაშ მეშქაშალათ ოკო დიდგინას კონსტიტუციურ-სამართალობურ ნორმეფიშ უმენტაშ მუდანობაქ, ნამუეფით ეთმიჭოფაფუაფუ კონსტიტუციაშ დვალირაფეფიშ დო პრინციპეფიშ ოსხირშა დო თინეფიშ გავითარაფალო. კანონეფი, თინეფც რენჯი ნორმეფიშ შანულობაშ მეჯინათ, ირთუ კონსტიტუციურ, ორგანულ დო რჩქვანელობურ კანონეფო. რჩქვანელობური კანონეფი, მუშ ჸურეშე, ირთუ ოკოდიფიკაციე დო მუმალუ კანონეფო[1].

კონსტიტუციური კანონი არეგულირენც ჯარალუაშ ვარა სახენწჷფობური რინაშ ხვალე ზოხოშიან დარგეფც, მორო მუში იურიდიული ნძალაშ დო ეჭოფუაშ წესით მუთუნით ვეშხვანერებუ კონსტიტუციაშე. კონსტიტუციური კანონით მოქიმინჯე კონსტიტუციაშ ტექსტიშა მიშმურს თირაფეფი ვარა გეძინუეფი, მუდგაშ უკული თინა ჭყვადუნც ზოხორინელი ნორმატიული აქტიშ სახეთ ჸოფას[2].

ორგანული კანონი საქორთუოშ კონსტიტუციური სამართალიშ სპეციფიკური წყუ რე. ორგანული კანონიშ ეჭოფუა კონდაკო რე გოთოლწონაფილი კონსტიტუციას. ორგანული კანონიშ ორთა თინა რე, ნამდა თინა თაშ თუ თეში აკმაფშანც კონსტიტუციას, ვა თირანც თიშ ჯინჯიერ პრინციპეფც დო ვაწაწჷ ტომბაშურ არზის[3].

რჩქვანელობური კანონეფი არეგულირენა სახენწჷფო ვარა ჯარალუობური რინაშ ზოხოშიან სფეროეფც[3].

რესურსეფი ინტერნეტის[რედაქტირაფა]

ლიტერატურა[რედაქტირაფა]

  • პ. ცნობილაძე, კონსტიტუციური სამართალი, ტომი პირველი, ქთ., 2004

სქოლიო[რედაქტირაფა]

  1. პ. ცნობილაძე, კონსტიტუციური სამართალი, ტომი პირველი, თბ., 2004, გვ. 39
  2. პ. ცნობილაძე, კონსტიტუციური სამართალი, ტომი მაართა, ქთ., 2004, ხს. 40
  3. 3.0 3.1 პ. ცნობილაძე, კონსტიტუციური სამართალი, ტომი მაართა, ქთ., 2004, ხს. 40