კაპადოკია

ვიკიპედია-შე
Jump to navigation Jump to search
კირდეს ნაკვათა ჯიხაზურგა უჩხისარი

კაპადოკია (სპარს. کاپادوکیه, Katpatuka — სქვამი ცხენეფიშ ქიანა, ბერძენ. Καππαδοκία, ლათ. Cappadocia, თურქ. Kapadokya) — ბჟაეიოლ მორჩილ აზიას, თეხანური თურქეთიშ ტერიტორიას მადვალუ ისტორიული ოლქიშ ჯოხოდვალა. ჯვეში კაპადოკიაშ ტერიტორია ასე იდვალაუფუ თურქეთიშ პროვინციეფიშ: ნევშეჰირიშ, კაისერიშ, აქსარაიშ დო ნიგდეშ ტერიტორიეფს. ტერიტორია იხასიათებუ გიშართელი ოინტერესე ვულკანური წჷმოულობაშ ლანდშაფტეფით. კირდეს ნაკვათა დო დიხაშგიმენი ნოღეფით, ნამუეფქთ დირსხუ ჯვ. წ. I ვითოშწანურას. კაპადოკიას მადვალუ გორემეშ ერუანული პარკი დო კაპადოკიაშ კირდეს ნაკვათა ოხორუე მიშაღალირი რე იუნესკოშ მოსოფელიშ მონძალაშ გინესიშ ერკებულშა.

აორენი[რედაქტირაფა | წყუშ რედაქტირაფა]

სტრაბონი მუშ ვითოშკვითტომიან ნახანდის „გეოგრაფიას“, კაპადოკიას ათეშნერო ეთმეჭარჷნს: „თენა რე ფართე ტერიტორია, ნამუსჷთ ობჟათეშე ტავრიული გალეფი ომძღჷნ, ბჟადალშე — აკსარაიშ გვალეფი, ბჟაეიოლშე — მალათიაშ გვალეფი, ოორუეშე — უჩა ზუღა“.

გეოლოგიური ფორმირაფა[რედაქტირაფა | წყუშ რედაქტირაფა]

კაპადოკიაშ ტერიტორიას არსებული ვულკანეფი ერჯიესი, ჰასანი, გელიუდაგი გეოლოგიური პერიოდიშ გოძვენას აქტიური რდეს. თინეფიშ აქტიურაფა იგჷნძარებუდჷ მიოცენიშე ჰოლოცენშახ. ეშაგორგოთელი ვულკანური ლავა ილექჷდჷ ნეოჟენიშ ტობაშ ქვინჯის, წყარმალუეფიშ ლეხერეფს, პლატოს, ნამშ შედეგო წჷმიქიმინჷ 100-150 მეტრი სისქაშ ვულკანური ტუფიქ. თე მასა თაშნეშე აკმოდირთუდჷ ტუფიტიშ, იგნიბრიტიშ ტუფიშ, ლახარაშ, ვულკანური ტუტაშ, დიხაჭაბუშ, აგლომერიშ, ბაზალიტიშ დო ნეოლოგიური აგლომერატეშე. გემაჸვენჯი პერიოდის ვულკანური ტუფიშ მასაშე, წყარმალუეფიშ დო ტობეფიშ წყარიშ ეროზიაშ შედეგო წჷმიქიმინჷ პლატოქ, ნამუთ შხირათ ფორმას ითირანდჷ. წყარმალუ ყიზილ-ირმაქიშ პლატოშ ასეიანი სახე ოდუდეს ეთმეჭოფუნს ჟილენი პლიოცენიშე.

გალერეა[რედაქტირაფა | წყუშ რედაქტირაფა]

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: