დინორეშა გინულა

კარლ ლუდვიგ ჰარდინგი

ვიკიპედიაშე
კარლ ლუდვიგ ჰარდინგი
გერმ. Karl Ludwig Harding
დაბადებაშ თარიღი:

29 ეკენია, 1765

დაბადებაშ აბანი:

ლაუენბურგი, საქსენ-ლაუენბურგი

ღურაშ თარიღი:

მარაშინათუთა 31, 1834 (68 წანერი)

ღურაშ აბანი:

გეტინგენი, ჰანოვერიშ ომაფე

მენოღალობა:

ბრაუნშვაიგ-ლიუნებურგი
ჰანოვერიშ ომაფე

ომენცარე სფერო:

ასტრონომია

სამუშაშ აბანი :

გეტინგენიშ უნივერსიტეტი

ალმა-მატერი:

გეტინგენიშ უნივერსიტეტი

ჯილდოეფი დო პრემიეფი:

ლალანდიშ პრემია (1805)
ომაფე ჯარალუაშ მაკათური (1806)

კარლ ლუდვიგ ჰარდინგი (გერმ. Karl Ludwig Harding; დ. 29 ეკენია, 1765, ლაუენბურგი, საქსენ-ლაუენბურგი — ღ. 31 მარაშინათუთა, 1834, გეტინგენი, ჰანოვერიშ ომაფე) — გერმანალი ასტრონომი. 1804 წანაშ 1 ეკენიას მიოგორუ ასტეროიდის 3 იუნონას, ნამუთ რდჷ მასუმა ასტეროიდი, ნამუქჷთ ძირაფილქ იჸუ ასტეროიდეფიშ ორტყაფუს. დუდშე 3 იუნონა მერჩქინელი რდჷ პლანეტათ. 1850-იან წანეფიშე თიქ რეკლასიფიცირებულქ იჸუ მუჭოთ ასტეროიდიქ.

კარლ ლუდვიგ ჰარდინგიქ დებადჷ ლაუენბურგის. 1786–89 წანეფს გურაფულენდჷ თეოლოგიას, მათემატიკას დო ფიზიკას გეტინგენიშ უნივერსიტეტის. მუშენდჷ ლილიენტალიშ ობსერვატორიას, რდჷ გეტინგენიშ უნივერსიტეტიშ ასტრონომიაშ პროფესორი. 3 იუნონაშ გარდა ჰარდინგიქ მიოგორუ სუმი კომეტას.

ჰარდინგი რე ავტორი შხვადოშხვა მენცარული პუბლიკაციეფიშ. თიში ნახანდეფიშე ეიოშანალი რე კატალოგი, სოდეთ მიშული რე 120,000 მურიცხი.

ჰარდინგიქ 1805 წანას მიპალუ ლალანდიშ პრემია. 1806 წანაშე რდჷ ლონდონიშ ომაფე ჯარალუაშ მაკათური.

ჰარდინგიშ ჯოხონობაშ რე თუთაშ ართ-ართი კრატერი დო ართი ასტეროიდი.

რესურსეფი ინტერნეტის[რედაქტირაფა | წყუშ რედაქტირაფა]