კებრადა-დე-უმაუაკა

ვიკიპედიაშე
კებრადა-დე-უმაუაკა

კებრადა-დე-უმაუაკა (ესპ. Quebrada de Humahuaca) — გოსოფური ლეხერი ოორუე-ბჟადალ არგენტინას, ხუხუიშ პროვინციას, ბუენოს-აირესიშე 1500 კმ-ს. უმაუაკიშ ლეხერი გინოზინდილი რე 155 კილომეტრის ოორუეშე ობჟათეშა დო იდვალუაფუ ზუღაშ დონეშე 2000 მეტრას.

ჯოხოდვალა მეღებული რე ჭიჭე ნოღა უმაუაკაშე (Humahuaca). ლეხერს გოჸუნს წყარმალუ რიო-გრანდე, ნამუთ ზარხულს უმოსი წყარიშ მუდანობათ გჷშეგორუ, ვინდარო ზოთონჯის, მუთ მერსხუაფილი რე აბანობური კლიმატიშ მუშობურობეფწკჷმა.

ლეხერი იდვალუაფუ თე რეგიონიშ ეკონომიკური დო კულტურული კავშირეფიშ შარაორთუს. თე ლეხერი უჯვეშაში ბორჯიშე რე დოხორელი. შქა ოშწანურეფს ინკეფიშ იმპერიაშ ოქარავანე შარეფი თაქი გინიშჷ. ლეხერს მიშჷ არძაშე დიდი ბურჯაფეფი არგენტინაშ ზოხორინელობაშე.

2003 წანას მიშეღეს იუნესკოშ მოსოფელიშ მონძალაშ ობიექტეფიშ ერკებულშა.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]