კორეაშ ჩქონი

ვიკიპედია-შე
გეგნორთი: ნავიგაცია, გორუა
კორეაშ ჩქონი
კორ. 조선반도
Locator map of Korea.svg
ორენი აზია
აკვატორია იაპონიაშ ზუღა
კორეაშ საროტი
ჸვინთელი ზუღა
კოორდინატეფი 38°00′ ოორ. გ. 127°30′ ელ. გ. / 
ფართობი 220,8 კმ²
ქიანა ობჟათე კორეაშ შილა ობჟათე კორეა
ოორუე კორეაშ შილა ოორუე კორეა

კორეაშ ჩქონი — იდვალუაფუ ბჟაეიოლ აზიას. ოორუეშე ელახშა გჷნოზინდილი რე მეხოლაფირო 1 100 კმ-შა, კონტინენტური აზიაშე რჩქალ ოკიანეს. ომძღჷ იაპონიაშ ზუღა (ელახშე), ბჟაიოლ ჩინეთიშ ზუღათი (ობჟათეშე) დო ჸვინთელი ზუღა (ბჟადალშე). იაპონიაშ კოკეფშე გჷმორთჷნს კორეაშ საროტი.

მაჟირა მოსოფელიშ ლჷმაშ თებაშახ, კორეა წჷმარინუანდჷ ართოიან პოლიტიკურ ართურს, ნამუთ ედომუშამი ჩქონს იკენდჷ. 1953 წანას, კორეაშ ლჷმაქ ოურდუმე აპიჯალათ გეთუ, ნამუშ მეჯინათ, ჩქონიშ ოორუე ნორთის ქიდირსხუ კორეაშ ოკათე დემოკრატიული რესპუბლიკაქ, დო ობჟათე ნორთის — კორეაშ რესპუბლიკაქ.

კორეაშ ჩქონიშ ალმაშარული ფოტო

კორეაშ ჩქონიშ ოორუე თანჯეფი მეჸუნს ოორუე კორეაშ თანჯეფს თიშ მეძობელ — ჩინეთიწკჷმა (თანჯაშ სიგჷნძა 1 416 კმ) დო რუსეთიწკჷმა (თანჯაშ სიგჷნძა 19 კმ). თე თანჯეფი ორთაშობურ თანჯეფს წჷმარინუანს დო გინმურს წყარმალუ იალუშა დო წყარმალუ ტუმენშა. თე იფრელიშ გოთოლწონაფათ, ჩქონიშ ედომუშამი ფართობი აკმადგინანს 220,847 კმ²-ს.

ჩქონს, ოორუე კორეას უძახჷნა ჩოსონ-პანდოს (조선반도; 朝鮮半島), ობჟათე კორეას ჰან-ბანდოს (한반도; 韓半島).

კორეაშ ჩქონიშ 70 % გვალეფით რე აკოთანჯილი. უმაღალაში კონკა რე გვალა პეკტუსანი (2 744 მ).

რესურსეფი ინტერნეტის[რედაქტირაფა | წყუშ რედაქტირაფა]