კორუფცია
.svg)
██ 100 – 90
██ 89 – 80
██ 79 – 70
██ 69 – 60
██ 59 – 50
██ 49 – 40
██ 39 – 30
██ 29 – 20
██ 19 – 10
██ 9 – 0
██ ვა რე მუნაჩემეფი
კორუფცია (ლათ. corrumpere = გილმუოლუანქ, წუთმუაჸონენქ) — კორუფცია უმენტაშ შვნას გჷმირინუაფუ შხვადოშხვა უკანონე ქიმინუეფიშ ეიოშანალო. თიშ უმკუჯინალო, ნამჷ-და თიში ართამი დო ართნერი გოთანჯუა ვა რე დო მუს წჷმარინუანს კორუფციან, არძაშე ფართოთ მოდვალირი გოსხუნუაშ მეჯინათ, კორუფციაშ ჩინებაშ გიმე მიარზებუ პიჯიშით ჯარალობური ხემანჭუაფაშ ვარ-და დგომარაფაშ გჷმორინაფა პიჯურ უჯგუშობეფიშ დო ორგებელიშ მიოღებელო.
ართამი ეჭარუა
[რედაქტირაფა | წყუშ რედაქტირაფა]
კორუფცია იკათუანს სახარხო მოხელეეფიშ თიჯგურა რჯებას, იჸუაფუ თენა პოლიტიკური პოსტის გემარენჯი დო სახარხო მანინალენ, ნამუშით თინეფი უშქიდარო დო უკანონეთ იდინდარებჷნა ვარ-და ადინდარენა მუნეფიშ მოჯგირეეფს, მუნეფიშ სახარხო მოღალობეფიშ უბადე გჷმორინაფათ.
ეიოშანალი რე, ნამჷ-და კორუფციაშ ჸოფა ურკენს ჯარალუას რინელ ნდებაშ ხარისხის, აშარციენს დემოკრატიას, ოცილუ ეკონომიკაშ წუმოძინას, ინმანჭანს უწორწალას, შანულამო უძინანს სიდაღარაშ დონეს დო სოციალური უწორწალას. კორუფციაშ ეშაჸოთამა დო თიში გლახა შედეგეფიშ დუდშე ეიოღალარო შილებე ხვალე თი შვანს, დო გაარზებული ქიჸუაფუ თი სქემეფი დო სისტემეფი-და, ნამუშ მეშქაშობეფით მუშენს კორუფციან.
კორუფციას შილებე უღჷდას გინორთელი ფორმეფი დო იკათუანდას თიჯგურა ქიმინუეფს მუჭომეფით რე: სახარხო მოხელეეფი, ნამუეფჷთ თხულენა გოთანჯილ ფარას ვარ-და ორგებელს თინეფიშ ნინალუაშ მანგიორშა; სახენწჷფო პოლიტიკური პოსტიშ პიჯეფი, ნამუეფჷთ უბადეთ გჷმირინუანა მუნეფიშ ხემანჭუაფას, უღანკეთ უქვაჩუანა სახენწჷფო ბიუჯეტის , მუენფიშ გაულაშ გჷმორინაფათ ასაქმენა, შხვადოშხვა სახენწჷფო პოსტეფშა, ფანიაშ მაკათურეფს დო მოჯგირეეფს, ჟიგაულას ირვენუანა სახენწჷფო ტენდერეფიშ შედეგეფშა. თაშნეშე კორუფციაშა მიშმურს კორპორაციეფშე სახარხო მოხელეეფიშ მოჸიდირს, ოკორინე გარიგაშ გოფორმებაშ ღანკით.
კორუფციაქ დო კორუფციულ ქიმინუეფქ შილებე ირნერი სფეროს მოხვადასჷნ, იჸუაფუ თენა ბიზნესი, ხეშუულება, სასამართალო სისტემა, მასობური ინფორმაციაშ მეშქაშობეფი, ომენოღალე ჯარალუა, ჭყანთხილუაშ სისტემა, ინფრასტრუქტურა დო სპორტინ. თეწკჷმა, კორუფცია შილებე ოწაწუდას ირნერი სფეროშ წჷმმარინაფალეფს, იჸუაფუ თენა პოლიტიკოსი, სახარხო მოხელე, ბიზნესმენი დო ჯარალობური მოღალენ. კორუფციული ქიმინუეფი უმენტაშ შვანს იმანჯებუ ფულირო, თიჯგურა სფეროშ წჷმმარინაფალეფიშ მოხვარათ, მუჭომეფით რენა ბანკირეფი, იურისტეფი, ფინანსური მენეჯერეფი, უმენტაშ შვანს რე ორომორინელი ფინანსური სქემეფიშ გოჭყაფათ.
ეიოშანალი რე, ნამჷ-და უმენტაშ შვანს სახენწჷფოეფს კრიმინალიზებული რე ვა უშქაშეთ კორუფცია, ვარინ გამამინჯალა დოდგენილი რე ზოხოიან ქიმინუეფშა, ნამუეფიშ მეშქაშობათ იმანჯებუ კორუფციული ქიმინუეფი, თეჯგურაშ სამანგეფი რე: რთამუა, ატება, ქვირთუა, მიდაღალა დო თ.უ.
რესურსეფი ინტერნეტის
[რედაქტირაფა | წყუშ რედაქტირაფა] |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |