კრიკეტი

ვიკიპედიაშე
კრიკეტიშ ლაჸაფი

კრიკეტი[1] (ინგლ. cricket) — სპორტიშ ბუნური ვაკონტაქტური გვარობა, ნამუთ მიშმურს თი ლაჸაფეფიშ ფანიაშა, ნამუსჷთ გჷმირინუაფუ ბიტი დო ბურთი. კრიკეტიქ გიჭყჷ XVI ოშწანურას ინგლისიშ ობჟათეშე. XVIII ოშწანურაშ ბოლოს, ლაჸაფიქ ართ-ართ ერუანული სპორტიშ გვარობათ გჷნირთჷ. ბრიტანეთიშ იმპერიაშ ექსპანსიაშ ჭყოლოფუათ თე ლაჸაფიქ ედომუშამ მოსოფელს გიფაჩჷ. მაართა სატესტო მატჩიქ იმანჯჷ ნაკორობა ბუნეფს შქას XIX ოშწანურაშ ოშქაშე წანეფს. კრიკეტიშ მატჩი წჷმარინუანს ჟირ ბუნაშ არკინაფას, ნამუსჷთ ირ ბუნა წჷმორინაფილი რე ვითაართი სპორტსმენით. ლაჸაფი იმანჯებუ დოლოამ ვეს, ნამუსჷთ ელიფსიშ ფორმა უღუ. ოლაჸაფე ვეშ ცენტრის იდვალუაფუ თინკუნთხუამი დიხაშ მორჩილი მოედანი — პიტჩი. პიტჩიშ სიგჷრძა აკმადგინანს 22 იარდის ვარდა 20 მეტრაშე ონდეთ უმოსის, სიგანა — 10 ფუტი ვარდა 3 მეტრი. პიტჩიშ ართიანიშ აწმარენჯი განობას იდვალუაფუ ჯაშ კარეფი. პიტჩიშ ბოლოეფს ოლაჸაფე ზონეფი თიშ თარი ოფირჩაშე გიშართილი რე სპეციალური ღოხეფით, კრიზამეფით.

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]