კურორტი
კურორტი (გერმ. Kurort, ზიტყვაზიტყვათ — ოკურნალე აბანი) — აბანი, ნამუსჷთ უღუ ორთაშობური ოკურნალე ფაქტორეფი დო უციო პიჯალეფი თინეფიშ ოკურნალე-პროფილაქტიკური ღანკით გჷმარინაფალო. კურორტიშ ტერიტორიას ოკურნალე დგჷმილეფიშ თარი ტიპი რე სანატორიუმი: რე შხვა დჷნაწესებუეფით — პანსიონატი, მასვანჯაფალი ჸუდე, წყაროკურნალე, ოკურორტე პოლიკლინიკა, სამედიცინე პლაჟი დო შხვა. ორთაშობური ოკურნალე ფაქტორეფი — მინერალური წყარი, ჰეერი, ოკურნალე ლეტა დო შხვა უჯვეშაში ბორჯიშე რე ჩინებული. ჰიპოკრატე თინეფს ფართოთ გჷმირინუანდჷ შხვადოშხვა ქრონიკული ლახარეფიშ ოსქილიდაფარო.
XX ოშწანურაშახ ქჷმანჭჷ უჩა ზუღას ჯვეში რომაალეფიშით აკოგაფილი თერმეფქ დო შხვა ბალნეოლოგიური დგჷმილეფქ.
შქა ოშწანურეფს ევროპაშ კანკალე კურორტიქ ასეშაქ ქისქილიდუ შანულობა, ნამუეფს შქასი რე აახენი, ვისბადენი, ბადენ-ბადენი, კარლოვი-ვარი, ბეილე-ერკულანე დო შხვა. კურორტიშ პროფილს გჷთმოთანჯუნს მაჸვენჯი ორთაშობური ფაქტორი.
გიშმაგორჷნა კურორტიშ 3 თარ ბუნას: კლიმატურს, ბალნეოლოგიურსა დო ლეტათ ოკურნალეს. კლიმატური კურირტი მუშჸურე შილებე ორდას გვალაშ, ზუღაშ წყარპიჯიშ, ტყაშ დო ვეშ, ბალნეოლოგიური კურორტი მინერალური წყარიშ გჷმორინაფაშ მეჯინათ — ოშუმალი წყარიშ დო აბანუეფით ოკურნალე.
თუ კურორტის ართბორჯულო რსებენს მუსხირენი ორთაშობური ფაქტორი, თინა ესვარილი პროფილიშ რე — კლიმატურ-ბალნეოლოგიური, ბალნეოლოგიურ-ლეტაშ, კლიმატურ-ლეტაშ, კლიმატურ-ბალნეოლოგიურ-ლეტაშ დო შხვა. ართიანწკჷმა არხოსმადვალუ კურორტეფი, ოკურორტე დაბეფი დო ოკურნალე აბანეფი ოკურორტე რაიონეფიშ დო კურორტეფიშ ბუნეფიშ ჯოხოთ რე გოართოიანაფილი, სამანგათ, ქართიშ კურორტეფიშ ბუნა დო შხვა.
ლიტერატურა[რედაქტირაფა | წყუშ რედაქტირაფა]
- უშვერიძე გ., ქორთული სხუნუეფიშ ენციკლოპედია, ტ. 6, ხს. 82-83, ქართი, 1983 წანა.