ლაიოშ კოშუტი
| ლაიოშ კოშუტი Kossuth Lajos | ||
 | ||
| უნგრეთიშ მამართალი-პრეზიდენტი | ||
|---|---|---|
| პოსტის გერინაშ ბორჯი | ||
| 14 პირელი, 1849 – 11 მარაშინათუთა, 1849 | ||
| პრემიერ-მინისტრი | ბერტალან სემერე | |
| წიმოხონი | პოსტიქ გიჭყჷ | |
| მონძე | არტურ გერგეი | |
| პოსტის გერინაშ ბორჯი | ||
| 2 გჷმათუთა, 1848 – 1 მესი, 1849 | ||
| წიმოხონი | ლაიოშ ბატიანი (პრემიერ-მინისტრი) | |
| მონძე | ბერტალან სემერე (პრემიერ-მინისტრი) | |
| პოსტის გერინაშ ბორჯი | ||
| 7 პირელი, 1848 – 12 ეკენია, 1848 | ||
| პრემიერ-მინისტრი | ლაიოშ ბატიანი | |
| წიმოხონი | პოსტიქ გიჭყჷ | |
| მონძე | ლაიოშ ბატიანი | |
| დუნაბადი | 19 ეკენია, 1802 მონოკი, უნგრეთიშ ომაფე, ჰაბსბურგეფიშ მონარქია | |
| ნაღურა | მელახი 20, 1894 (91 წანერი) ტურინი, იტალიაშ ომაფე | |
| ნთხორუ აბანი | კერეპეში | |
| პოლიტიკური პარტია | ოპოზიციური პარტია (1847-1848) | |
| რელიგია | ლუთერანობა | |
| ხეშმოჭარუა |  | |
ლაიოშ კოშუტი (უნგრ. Kossuth Lajos, დ. 19 ეკენია, 1802 — ღ. 20 მელახი, 1894) — უნგრალი პოლიტიკოსი, ჟურნალისტი, იურისტი, სახენწჷფო მოღალე, უნგრეთიშ მამართალი-პრეზიდენტი 1848-1849 წანეფიშ რევოლუციაშ ბორჯის. კოშუტი ხემანჯღვერენდჷ უნგრალეფიშ ლჷმას დუდშულობაშო.
კოშუტი გონათაფათ იურისტი რდჷ. დუდშე პოპულარობა მიპალუ მუჭოთ ორატორქ დო ჟურნალისტიქ. 1832 წანაშე ოკათუდჷ ერუანული სხუნუს. ჸათე ბორჯიშე კოშუტიქ გავითარჷ მუში რადიკალური პოლიტიკური დო დო სოციალური ფილოსოფია. 1837 წანას პოლიტიკური ბაძაძეფიშ გეშა ოჭოფეს. 1847 წანას კინ გიშაგორილქ იჸუ ერუანული სხუნუშ მაკათურო. ჸათე ბორჯის კოშუტი ხემანჯღვერენდჷ პოლიტიკური პარტიას "ერუანული ოპოზიცია"-ს. 1848 წანაშ რევოლუციაშ მიმალობას კოშუტიქ ილაჸაფჷ კაბეტი როლი უნგრეთიშ ზოხორინელობაშ ჸარაფის. უნგრეთიშ თარობას უკინებუდჷ შხვადოშხვა მაღალი პოსტეფი. 1849 წანაშ პირელს გიშაგორილქ იჸუ უნგრეთიშ მამართალი-პრეზიდენტო. 1849 წანას ავსტრიაშ იმპერიას ქალუდირთჷ რუსეთიქ, ნამუშ აკოანჯარაფილი ნძალეფქ მალას უნგრეთიშა გემშეჭკირეს დო დამარცხეს უნგრალი რევოლუციონერეფი. კოშუტიქ გეგნოდირთჷ დო თურქეთიშა მიდართჷ. თურქეთიშე კოშუტიქ ოცხოვრებშა ამერიკაშა დო უკულ ბრიტანეთიშა გეგნორთჷ. რინაშ ეკონია ბორჯის ტურინს ცხოვრენდჷ.
კოშუტი რდჷ პოპულარული პოლიტიკოსი. ამერიკას დო ბრიტანეთის თის მიშიმუანდეს მუჭოთ დუდშულობაშო მალიმარს. კაპიტოლიუმს იდვალუაფჷ კოშუტიშ ბრონზეშ ბიუსტი, მუკნაჭარათ: "უნგრული დემოკრატიაშ მუმა, უნგრალი სახენწჷფო მოღალე დო დუდშულობაშო მალიმარი".
ქოძირით თაშნეშე
[რედაქტირაფა | წყუშ რედაქტირაფა]ლიტერატურა
[რედაქტირაფა | წყუშ რედაქტირაფა]
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |