ლაუკა
ლაუკა — წყარმალუ ნამუთ ოდუდეს ეთმოჭოფუნს ჩილეშ ალტიპლანოს, ტარაპაკაშ რეგიონს დო მეურს ბოლივიას, სოდეთ ენმაკათუ კოიპასაშ ტობას. წყარმალუშ სიგჷრძა აკმადგინანს 225 კმ-ის. თიში ჟინი მალუობა იდვალუაფუ ლაუკიშ ნაციონალური პარკიშ ფარგალეფს.
1930-ამ წანეფს, ჩილეშ თარობაქ დიჭყჷ წყარმალუ ლაუკიშ ჰიდრორესურსეფიშ გჷმორინაფა დო თიშ წყარით ასაპიშ ლეხერიშ წყარუა, მუდგაქჷთ გჷშეჭანუ ბოლივიაშ თარობაშ კონწარი უბაღინაფუობა, ნამთ ანტკიცენდჷ, ნამდა ჩილეშ თარობა ხელობურო უთირანდჷ კალაპოტის ინტერნაციონალურ წყარმალუს. თე ამბეთ გჷშაჭანაფილი დიპლომატიური კონფლიქტიქ ჩილე დო ბოლივია შქას დიჭყჷ 1939 წანას დო გეგინძრჷ 1960 წანაშახ.