ლეპტოპი

ვიკიპედია-შე
გეგნორთი: ნავიგაცია, გორუა
Acer-იშ ლეპტოპი

ლეპტოპი (თაშნეშე ნოუთბუქი) — პორტატული პერსონალური კომპიუტერი, ნამუშ კორპუსის რე რჩქვანელობური პერსონალური კომპიუტერიშ კომპონენტეფი გოართოიანაფილი (უმოს თიანს, თინა ვახვილჷ ზოხო მონწყილობეფს, მუჭომეფით რე კლავიატურა, მონიტორი დო შხვა). თინა რე ქექე დო მოხუჯური, ნოუთბუქეფს უღუნა ბატარაია, ნამუეფით დენიშ წყუშ უმუშო გჷთმარზუნა 1 სათშე 15 სათშახ (გაჩქუ ბატარაიაშ სინძალიერეს).

მართა ნოუთბუქიქ 1979 წანას აკიქიმინჷ, NASA-შ დოკვეთათ.

ტიპეფი[რედაქტირაფა | წყუშ რედაქტირაფა]

არსებენს ლეპტოპიშ გინორთელი ტიპეფი, თენეფი რე:

  • ულტრაპორტატული (რე მაქსიმალურო მობილური, იდეალური რე შარალუას ოხვარებელო),
  • ნეტბუქეფი (აკოჭიჭარაფილი ლეპტოპი, უმოსი პორტატული),
  • ბიუჯეტური ნოუთბუქი (მაქსიმალურო ეფიანი ნოუთბუქი, მარა გოხურგელი შელუამობეფით დო დაღარი),
  • ოშქაშე კლასიშ ნოუთბუქი (უბრალო ლეპტოპიშ ტიპი),
  • ბიზნეს ნოუთბუქი (კინ მუთ ოშქაშე კლასიშ ლეპტოპი, მარა უმოსი ადაპტირაფილი მოსაქვარე კათაშო)
  • მულტიმედიური ნოუთბუქი (ოშქაშე დონეშ ვიდეოადაპტერიანი დო პროცესორიანი ლეპტოპეფი, გჷმირინუაფუ მიარე ღანკიშო),
  • გეიმერული, ოლაჸაფე ნოუთბუქი (ლეპტოპეფი, ნამუეფსჷთ უღუნა გიშაკერზაფილო გოვითარაფილკი ვიდეოადაპტერი, მუთ აკმოქიმინუნს მაქსიმალურ კომფორტის არძაშე ჸონიერ წარმაფონ კომპიუტერული ლაჸაფეფსჷთ),
  • თხილერი ნოუთბუქი (ლეპტოპეფი, ნამუეფით გჷმირინუაფუ ექსტრემალურ დგომარობეფს, თინეფი გუთმურზუნა ვიბრაციას, მეგამეფს დო შხვა დოზიანებეფს, თაშნეშე თე კატეგორიაშ ლეპტოპებს გჷმირინუანა ჯარს.)

დო შხვა.


wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.