ლიმფა
ლიმფა (ლათ. lympha — წიმინდე წყარი, ცუნდი) — ქვანთი, ნამუთ ყარენს ადამიერიშ დო გაგაჩამი ჩხოლარეფიშ ლიმფურ სისტემას. ლიმფაშ თარი კომპონენტი რე გოჭვირაფონი ქვანთი, ნამუთ ძალამ მოგენს ზისხირიშ პლაზმას. თიში სიზისქე ზისხირიშ პლაზმაშოთ მერკე რე, თის ცილაშ მუდანობათ მერკე რე (3%). ლიმფაშ აკოდგინალუა შხვადოშხვა რე რსხულიშ შხვადოშხვა ნორთის დო ითირჷ ფუნქციური დგომარობაშ მეჯინათ. ლიმფა იკათუანს ლეიკოციტეფს დო ართულ ერითროციტეფს. ლიმფა აკმიკვეთუ ოღონდა ზისხირშე რჩქალას. ადამიერიშ რსხულს 1 — 2 ლიტრი რე. ზისხირიშ პლაზმა კაპილარეფშე იფილტრებუ რშვილეფს, თექ აკოდგინალუას ითირანს დო გჷნირთუ ლიმფათ. ლიმფაშ თარი ფუნქციეფი რე: რშვილეფშე ღვანდეფიშ თირუაშ კანკალე პროდუქტიშ გიშაღალა, კჷნე თეურეშე ზისხირშა ცილეფიშ დორთინაფა, ორგანიზმის წყარიშ გინორთუალა დო შხვა.
ლიტერატურა[რედაქტირაფა | წყუშ რედაქტირაფა]
- ქორთული სხუნუეფიშ ენციკლოპედია, ტ. 6, ხს. 240, ქართი, 1983 წანა.