ლინგვისტიკა
ლინგვისტიკა, ნინეფიშ მენცარობა — მენცარობა ნამუთ გურაფულენს ადამიერიშ ნინას. ტერმინი ლინგვისტიკა ლათინურიე, "lingua" — ნინა.
ლინგვისტიკა გურაფულენს დო ირკვიენს ნინეფიშ ფუნქციას დო სტრუქტურას. ლინგვისტური ანალიზიშ ტრადიციულო მეღებული ნორთეფი რე: სინტაქსი, სემანტიკა, მორფოლოგია, ფონეტიკა, ფონოლოგია, პრაგმატიკა.
გიშმართუნა თეორიულ დო გჷმორინაფონი ლინგვისტიკას. თეორიული ლინგვისტიკა ოცადუ ნინაშ ფუნდამენტურ დო უნივერსალურ გაგებას, მუჟამსჷთ გჷმორინაფონი ლინგვისტიკაშ ღანკი რე ნინაშ მენცარული რკვიებეფიშ გჷმორინაფა პრაქტიკული საქვარუეფიშო.
ლინგვისტიკაქ მუჭოთ მენცარობაქ გიჭყჷ ფილოლოგიურ დისციპლინაშე. ჟირხოლო დარგი ართიანწკჷმა ხოლოსი რე. ლინგვისტიკა, თაშნეშე რე მერსხილი ნინაშ ფილოსოფიას, სტილისტიკას, რიტორიკას, სემიოტიკას დო ლექსიკოგრაფიას.
ლინგვისტიკაშ თარი შანულამი სუბდიციპლინეფიე:
- ისტორიული ლინგვისტიკა
- სინტაქსი დო მორფოლოგია
- სემანტიკა დო პრაგმატიკა
- ფონეტიკა დო ფონოლოგია
- ტიპოლოგია
ლინგვისტური რკვიებეფი ოდუდეს ეთმოჭოფუნს ანტიკური ინდოეთის, სოდეთ მოღალენდჷ ართ-ართი მაართა ლინგვისტი დო ფილოლოგი პანინი, ნამუთ რე ავტორი ტრაქტატიშ სოდეთ ეჭარილიე სანსკრიტიშ ფორმალური გრამატიკა.
რესურსეფი ინტერნეტის
[რედაქტირაფა | წყუშ რედაქტირაფა]- The Linguist List, a global online linguistics community with news and information updated daily
- Glossary of linguistic terms Archived 10 February 2013 ვებ-ხასჷლას Wayback Machine. by SIL International (last updated 2004)
- Linguistic sub-fields – according to the Linguistic Society of America
- Linguistics and language-related wiki articles on Scholarpedia and Citizendium
- "Linguistics" section – A Bibliography of Literary Theory, Criticism and Philology, ed. J.A. García Landa (University of Zaragoza, Spain)