ლოკ საბჰა

ვიკიპედიაშე
ინდოეთიშ პარლამენტიშ დგჷმილი

ლოკ საბჰა (ჰინდი लोकसभा; მარგ. ოკათე პალატა) — ინდოეთიშ პარლამენტიშ გიმენი პალატა. ლოკ საბჰაშ მაკათურეფი გიშეგორუაფჷნა მაჟორიტარული სისტემაშ ოსხირით ბონი, საართო, ფულირი კალიშრღვაფაშ შედეგო. კონსტიტუციაშ მეჯინათ, ქიანაშ ლოკ საბჰაშ მაკათურეფიშ მაქსიმალური მუდანობა გითმითანჯუ — 552 დეპუტატით (530 შტატშე, 20 მორსხუე ტერიტორიაშე დო 2 პრეზიდენტიშით დორჷნაფილი მაკათურშე — ბრიტანული წჷმოულობაშ ინდოარეფიშ ინტერესეფიშ ოთხილარო). ლოკ საბჰა გიშეგორუაფუ 5 წანაშ ხანით, მორო, საგანგიო დგომარობაშ გჷმოცხადაფაშ პერიოდის, თიშ ქიმინჯალაშ ვადაქ შილებე მიძინას ხოლო ართ წანათ. მა-15 ლოკ საბჰაქ დეკომპლექტუ 2009 წანაშ პირელ-მესიშ გიშაგორუეფიშ საბოლოო შედეგეფით. ასე, ქიმინჯენს 2014 წანაშ გიშნაგორა მა-16 ლოკ საბჰა.

პიჯალეფიშ ლოკ საბჰაშ მაკათურეფშო[რედაქტირაფა | წყუშ რედაქტირაფა]

ლოკ საბჰაშ დეპუტატო შლებე გჷნირთას ფსიქიურო ჭყანთხილუ, ინდოეთიშ არძა მენოღალექ 25 წანაშ ხანშე. კანდიდატიქ თაშნეშე წჷმარინუას ოკო, მოწმობა თიშ გეშა, ნამჷ-და თიშ სააწმარენჯოთ ვარე არყილი ზისხირიშ სამართალიშ საქვარი.

ლოკ საბჰაშ ხემანჯღვერობა[რედაქტირაფა | წყუშ რედაქტირაფა]

ლოკ საბჰაშ ხემანჯღვერობა აკმოდირთუ გეჸვენჯი პოსტიშ პიჯეფშე:

  • სპიკერი
  • ვიცე-სპიკერი
  • პალატაშ ლიდერეფი (თინეფი თოლჸუჯის უჸუნუანა ოთარობე კანონპროექტეფიშ მალობას პალატას)
  • ოპოზიციაშ ლიდერი
  • გენერალური მელამოსე

რესურსეფი ინტერნეტის[რედაქტირაფა | წყუშ რედაქტირაფა]