ლუვრი

ვიკიპედიაშე
ლუვრი

ლუვრიშ მუზეუმი (ფრანგ. Musée du Louvre) — უდიდაში დო არძაშე უმოსო ჩინებული მუზეუმი რე მოსოფელს, ნამუსჷთ 8,5 მილიონი დჷმათოლოროფალი ჸუნდუ 2008 წანას. იდვალუაფუ პარიზის, საფრანგეთის. შენობა, ჸოფილი ომაფე დოხორე, პაიზიშ ცენტრის იდვალუაფუ, სენას დო რუ-დე-რივოლის შქას. მუში თარი მოედანი, ნამუსჷთ თეჟამო ლუვრიშ პირამიდა რე ეპონილი, ართ ღოზის რე შანზ-ელიზეშ მანგის დო თაშ ნამდა, ქიმინჷნს ისტორიულ მუნაკვათას (Axe historique), ნამუსჷთ პარიზიშ მიარე ისტორიული მონუმენტი რე დვალირი. ლუვრიშ ომაფე დოხორეშ ნორთიქ ჯარალუაშო მაართათ გინწყჷ 1793 წანაშ 8 გერგობათუთას, საფრანგეთიშ რევოლუციაშ ბორჯის.

ისტორია[რედაქტირაფა | წყუშ რედაქტირაფა]

ლუვრი XIII ოშწანურაშ დაჭყაფუს (1200) დოკიდჷ მაფა ფილიპე ავგუსტიქ, მუჭოთ ჯიხაზურგა. XIV ოშწანურაშ ბოლოს რ. დეტამლექ გეგნაკეთჷ დო თაჸურეშე მოჸუნაფილი, ლუვრიქ მაფეფიშ რეზიდენციათ გინირთჷ. 1546 წანას თიქ აკოციუ დო მუშ აბანს ფრანგი არქიტექტორ პიერ ლესკოქ (1510-1574) დოკიდჷ დოხორე — აღორძინებაშ ხანიშ ქვერსემი ძეგლი. სკულპტურული დეკორი აკასურუ მოჭახნაკე ჟან გუჟონქ. გეჸვენჯ ოშწანურეფს {1600 წანაშე 1868 წანაშახ) ქიგიაძინჷ ზოხოურ კორპუსეფქ დო ფასადეფქ. XVII ოშწანურაშ მაჟირა გვერდიშე ლუვრი მაფეფიშ რეზიდენცია ვარე. თინა დიო ხანტური ტილოეფიშ ოთხილუ რდჷ, 1793 წანაშე კონვერტიშ დეკრეტით ნაციონალურ ოხანტურე მუზეუმო გინირთჷ.

ლუვრიშ დოხორე დო პირამიდა, ნამუშ ეგაფაქ ითუ 1989 წანას (სერიშ ფოტო)


გალერეა[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]


ვიკიოწკარუეს? რე ხასჷლა თემაშენ:
იუნესკოშ შილა მოსოფელიშ მონძალა
UNESCO, ობიექტი № 600
რუს.ინგლ.ფრ.