ლუსიენ ფევრი
| ლუსიენ ფევრი | |
| ფრანგ. Lucien Febvre | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 11, 1956 (78 წანერი) |
| ღურაშ აბანი: |
სენტ-ამური, საფრანგეთი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჩინებული რე მუჭოთ: |
ანალეფიშ სკოლაშ ართ-ართი დუმარსხუაფალი |
| ჯილდოეფი დო პრემიეფი: |
|
ლუსიენ პოლ ვიქტორ ფევრი (ფრანგ. Lucien Paul Victor Febvre; დ. 22 კვირკვე, 1878, ნანსი, საფრანგეთი — ღ. 11 ეკენია, 1956, სენტ-ამური, საფრანგეთი) — ფრანგი ისტორიკოსი, ისტორიაშ ანალეფიშ სკოლაშ ართ-ართი დუმარსხუაფალი დო ლიდერი წჷმმარინაფალი, ანატოლ დე მონზიწკჷმა ართო ფრანგული ენციკლოპედიაშ რედაქტორი.
დებადჷ ნანსის, ოორუე-ბჟაეიოლი საფრანგეთის. ფილოლოგი მუმაშ გოლინათ, ბაღანობაშე დეინტერესჷ ანტიკური ტექსტეფით დო ნინეფით. ლუსიენ ფევრი გურაფულენდჷ ისტორიას დო გეოგრაფიას პარიზის უმაღალაში ნორმალური სკოლას. გურაფაშ თებაშ უკულ მუშენდჷ მაგურაფალო ართ-ართ პროვინციულ ლიცეუმს. 1914-1918 წანეფს მონაწილენდჷ მაართა მოსოფელიშ ლჷმას. 1919 წანას ფევრიქ მუშობა ქიდიჭყჷ სტრასბურგიშ უნივერსიტეტის, სოდეთ გეჩინებაფუ მარკ ბლოკი, ნამუწკჷმა ართო დარსხუ ანალეფიშ სკოლა, ნამუშ თარი ღანკი სოციალური ისტორიაშ რკვიება რდჷ. 1929 წანას ფევრიქ დო ბლოკიქ დარსხუეს ჟურნალი ანალეფი, ნამუსჷთ უღუდჷ კაბეტი შანულობა ანალეფიშ სკოლაშ გოვითარაფაშო. ჟურნალი დუდშე სტრასბურგის გიშმეშჷ, უკულ პარიზიშა გინილჷ.
ლუსიენ ფევრიშ ართ-ართი მაართა შანულომი ნახანდი ორხველუდჷ ფილიპე II-ს დო ფრანშ-კონტეს. ფევრი ჸათე წინგის დეტალურო ეთმოჭარუნს საფრანგეთიშ ართ-ართი რეგიონიშ მახორუეფს დო ჸეთი ნეგატიურ გოლინას, ნამუთ უღუდჷ საფრანგეთიშ ცენტრალური ხეშულობას ჸათე რეგიონიშა. ფევრიშ ჸათე მონუმენტური ნახანდიქ გინირთჷ პარადიგმათ ანალეფიშ სკოლაშო.
ლუსიენ ფევრი კრიტიკულო უჯინედჷ თეოლოგიას. ფევრიშ არზით რელიგია დო ჯვეშობურო არზუანობა პრაქტიკული ვარე დო თიქ ოკო დითირას. ჸათეშ გეშათ, ფევრი ანტკიცენდჷ ნამდა ოხვილური რდჷ კათეფიშ გონათაფა.
1930-იან წანეფიშე ფევრი მუშენდჷ კოლეჟ დე ფრანსის.
გიშნაგორა პუბლიკაციეფი[რედაქტირაფა | წყუშ რედაქტირაფა]
- ფილიპე II დო ფრანშ-კონტე: პოლიტიკური, რელიგიური დო სოციალური ისტორია (1911)
- ნაჭაერეფი დო დოკუმენტეფი რეფორმაციაშ დო ინკვიზიციაშ გეშა ფრანშ-კონტეს (1911)
- ფრანშ-კონტეშ ისტორია (1912)
- დიადიხა დო ადამიერიშ ევოლუცია (1922)
- ჸვაიჭარა: მარტინ ლუთერი (1928)
- ცივილიზაცია: ზიტყვაშ ევოლუცია დო იდეეფიშ ბუნა (1930)
- რაინი: ისტორიაშ დო ეკონომიკაშ პრობლემეფი (1935)
- ურწუმობაშ პრობლემა XVI ოშწანურას. რაბლეშ რელიგია (1942)
- XVI ოშწანურაშ რელიგიაშ გეშა (1957)