მაიკლ შინი

ვიკიპედიაშე
მაიკლ შინი

დაბადებაშ აბანინიუპორტი, უელსი
დებადჷ 5 ფურთუთა, 1969 (1969-02-05) (55 წანერი)
საქვარუა არტისტი, რეჟისორი
აკოქიმინჯალაშ წანეფი 1991–ასეშა
ალმასქუ(ეფი) კეიტ ბეკინსეილი (1995–2003)
სარა სილვერმანი (2014–ამდღარშა)
ოხორინალი აბანი ბრიტანეთი

მაიკლ კრისტოფერ შინი (ინგლ. Michael Sheen დ. 5 ფურთუთა, 1969) — ბრიტანალი არტსტი. გურაფლენდჷ ლონდონიშ ომაფეშ აკადემიას, დრამატული ხელუანებაშ ფაკულტეტის.

ბიოგრაფია[რედაქტირაფა | წყუშ რედაქტირაფა]

შინქ დებადჷ ნიუპორტ უელსის, ბრიტანეთის. ჸუნს უკლაში და ჯოანა. ჭიჭე ასაკის ლაჸაფენდ კუჩხბურთის, მორო მარდუობას მიოდინუ ინტერესი ათე ლაჸაფიშ ჸურე. მირდჷ თეატრალურ ფანიას. თიში ჟირხოლო მასქერი ლაჸაფენდჷ თეატრის. თიქი 1991 წანას ბაკალავრიშ ხარისხი დეცჷ.

თიში პროფესიული დებიუტიქ იჸუ 1991 წანას. ჯინჯიერო მუშენდჷ თეატრის. მაიკლიქ სუმი ფილმის არსულჷ ბრიტანეთიშ პრემიერ-მინისტრიშ, ტონი ბლერიშ როლი. ათე ფილმეფი რე The Deal, დიაფალი დო The Special Relationship. თიქი გიმორჩქინდჷ ფილმეფს Underworld: Rise of the Lycans დო ბინდიშ საგა: ახალი თუთა (2009), 2010 წანას გიშარჩქინდჷ ომენცარე ფანტასტიკურ ფილმის „ტრონი: მონძალობა“. 2011 წანას გინიღეს ვუდი ალენიშ ფილმის „შქასერი პარიზის“ 2012 წანას გიშარჩქინდ ბინდიშ საგა: მურუჟის

ფილმოგრაფია[რედაქტირაფა | წყუშ რედაქტირაფა]

წანა მარგალურო ოდაბადური ჯოხოდვალა როლი
1995 ოტელო Othello ლოდოვიკო
2006 დიაფალი The Queen ტონი ბლერი
2006 ზისხირამი ალმასი Blood Diamond რუპერტ სიმონსი
2009 ბინდიშ საგა: ახალი თუთა The Twilight Saga: New Moon არო
2010 ალისა ომენცარობეფიშ ქიანას Alice in Wonderland თეთრი კურდღელი
2011 შქასერი პარიზის Midnight in Paris პოლი
2011 ბინდიშ საგა: მურუჟი - ნორთი 1 The Twilight Saga: Breaking Dawn Part 1 არო
2012 ბინდიშ საგა: მურუჟი - ნორთი 2 The Twilight Saga: Breaking Dawn Part 2 არო
2013 ამდღარშა სექსიშ ორსანტეფი

პიჯული რინა[რედაქტირაფა | წყუშ რედაქტირაფა]

მაიკლს უღუდჷ 8 წანიანი სიხოლა კეიტ ბეკინსეილწკჷმა. თინეფს ყუნა ოკათუერი სქუა-ლილი. თინეფიში სიხოლაქ გეთჷ 2003 წანაში დაჭყაფურს. 2004 წანას მაიკლიქ გინორთჷ ლოს-ანჯელესიშა დო ოსურო მიჸონჷ ლენ უაიზმენი. უკული თინაქ თისი დეთხუ დო ათეჟამო რე არტისტი რეიჩელ მაკადამსიწკჷმა, ნამჷთ „შქასერი პარიზის“ გინოღალეფიშ ბორჯის გეჩინებაფუ.

ჯილდოეფი[რედაქტირაფა | წყუშ რედაქტირაფა]

  • M.E.N. თეატრიშ ჯილდო საუჯგუშო არტისტი (1992)-ნომინირაფილი რომეო დო ჯულიეტა
  • Ian Charleson–ს პრემია (1993)
  • Ian Charleson–ს პრემია (1997)-ნომინირაფილი ჰენრი V ომაფე შექსპირიშ თეატრის
  • Laurence Olivier ჯილდო საუჯგუშოთ მაჟირახარისხამი როლიშ რსულებაშო (1998)
  • ბრიტანეთიშ აკადემიაშ ტელევიზიაშ ჯილდო საუჯგუშო არტისტი (2004)
  • New York Film Critics Online (2006)-მიღჷ The Queen–შო
  • ბრიტანეთიშ არტისტი წანა (2010)-გიმორძგჷ.
  • დო შხვ.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: