მანუელ პუიგი
| მანუელ პუიგი ესპ. Manuel Puig | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 22, 1990 (57 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1968-1990 |
| Magnum opus: |
რიტა ჰეივორთიშ გითოჩამა (1968) |
| ნინა: | |
|
| |
ხუან მანუელ პუიგ დელედონე (ესპ. Juan Manuel Puig Delledonne, უმოსო შინელი რე მუჭოთ მანუელ პუიგი; დ. 28 ქირსეთუთა, 1932, ხენერალ-ვილეგასი, არგენტინა — ღ. 22 კვირკვე, 1990, კუერნავაკა, მექსიკა) — არგენტინალი ჭარუ, ნოველისტი დო სცენარისტი.
პუიგიქ დებადჷ ხენერალ-ვილეგასის, ბუენოს-აირესიშ პროვინციას. ხენერალ-ვილეგასის უმაღალაში გონათაფაშ სკოლეფი ვარდჷ დო 1946 წანას, დიდა დო მუმაქ მანუელ პუიგი ოგურაფუშა ბუენოს-აირესიშა გოუტუ. ჸათე პერიოდის დეინტერესჷ პუიგიქ ჭარალუათ, გიშაკერზაფილო ნობელიშ პრემიაშ ლაურეატი ავტორეფით: ანდრე ჟიდი, ჰერმან ჰესე, ჟან-პოლ სარტრი დო თომას მანით. ჸათე პერიოდის პუიგიქ დეინტერესჷ ევროპული კინორეჟისურათ ხოლო დო ქიდიგურუ იტალიური, ფრანგული დო გერმანული ნინეფი, ნამუეფსჷთ კინემატოგრაფიაშ ახალ ნინეფს უძახჷდეს. 1950 წანას პუიგიქ ბუენოს-აირესიშ უნივერსიტეტიშ არქიტექტურაშ ფაკულტეტშა გემშართჷ, სოდეთ ხვალე ამშვი თუთას გურაფულენდჷ. უკულ სპეციალობა დითირუ დო ფილოსოფიაშ გურაფა ქიდიჭყჷ. გურაფაშ თებაშ უკული პუიგი არგენტინულ დო იტალიურ კინო ინდუსტრიას მოღალენდჷ. პუიგიქ ლიტერატურული კარიერა დიჭყჷ 1960-იან წანეფს. მაართა რომანი "რიტა ჰეივორთიშ გითოჩამა", 1968 წანას გჷმაბჟინუ. 1973 წანას პუიგიქ ოცხოვრებშა დო ომუშებუშა მექსიკაშა მიდართჷ. 1989 წანაშა მეხიკოს ცხოვრენდჷ. 1989 წანას ოცხოვრებშა კუერნავაკაშა გინილჷ, სოდეთ დოღურუ 1990 წანაშ 22 კვირკვეს, 57 წანერქ. პუიგიშ არძაშე უმოსო შინელი ნახანდი რე "ბორბოლია ოსურიშ ჯუნა", ნამუშ სიუჟეტის რე გერსხილი ბრაზილიარი რეჟისორიშ ექტორ ბაბენკოშ 1985 წანას გინოღალირი ფილმი დო 1993 წანაშ ამერიკალი თეატრიშ რეჟისორიშ ჰაროლდ პრინსიშ მიუზიკლი.
ლიტერატურა
[რედაქტირაფა | წყუშ რედაქტირაფა]- Levine, Suzanne Jill (2000). Manuel Puig and the Spider Woman: His Life and Fictions. Farrar, Straus and Giroux. ISBN 978-0-374-28190-8.