მაპუჩე
მაპუჩე ვარა არაუკანეფი (ოდაბ. ჯოხოდვალა mapuche – „დიხაშ კათა“) — ინდიარეფიშ ართ-ართი ბუნა, ოხორანა ჩილეს დო არგენტინას.
ოართე მუდანობა 1,5 მლნ. კოჩიე, სოჸურეშეთ 1,3 მლნ. ოხორანს ჩილეს, ოდო 200 ვითოში კოჩი — არგენტინას. რაგადანა იზოლირაფილ მაპუდუნგუნიშ (მაპუჩეშ) ნინაშა. უმენტაშობა უფალენს ესპანურ ნინას. მახორობაშ დიდი ნორთი კათოლიკე რე, 1990-ამ წანეფშე ეღორძინჷ ტრადიციულ კულტეფქ.