მარინე იაშვილი

ვიკიპედია-შე
Jump to navigation Jump to search

მარინე ლუარსაბიშ ცირასქუა იაშვილი (დ. 20 გჷმათუთა, 1932, ქართი), ქორთუ მევიოლინე, საქორთუოშ ოკათაშე არტისტი (1967), ზ. ფალიაშვილიშ ჯოხონობაშ სახენჷფო პრემიაშ ლაურეატი (1975). ლუარსაბ იაშვილიშ სქუა დო ნაწაფე.

ბიოგრაფია[რედაქტირაფა | წყუშ რედაქტირაფა]

1958 წანას გაათუ მოსკოვიშ კონსერვატორია. თექინეშეს გურაფულენდ ასპირანტურას (პროფ. მ. მოსტრასიშ კლასი). 1957 წანაშე "მოსკონცერტიშ" სოლისტიე. 1958 წანას ქიმიჭანეს მოსკოვიშ კონსერვატორიაშ პედაგოგო. 1966 წანაშე ქართიშ კონსერვატორიაშ პედაგოგიე. 1967-1973 წანეფც რდჷ საქორთუოშ ფილარმონიაშ კამერული ორკესტრიშ სოლისტი დო ოხანტუე ხემანჯღვერი. თიში ოშემრსულებელო ხელუანობა გჷშმეგორუ მაღალი პროფესიული კულტურათ, ტექნიკურო რსულჸოფილაფათ, ხოწილი გემოვნებათ. ხშირას მანჯუნც კონცერტეფც თანჯეფგალე. თინა ქორთული ოვიოლინე ნაწარმეეფიშ დიდი პროპაგანდისტიე. იაშვილი მიარე ოერეფოშქაშე კონკურსიშ ლაურეატიე (იან კუბელიკიშ ჯოხონობაშ კონკურსი, პრაღა, 1949; ჰენრიკ ვენიავსკიშ ჯოხონობაშ კონკურსი, პოზნანი, 1952; ელისაბედიშ ჯოხონობაშ კონკურსი, ბრიუსელი, 1955). 1975 წანას ქიმიჭანეს იუგოსლავიაშ ნ. ნოვი-სადიშ კონსერვატორიაშა ოვიოლინე კათედრაშ დუდო. მუშენდ 1979 წანაშახ. დაჯილდოებულიე ხანდაშ ჭითა შილაშ ორდენით.

ლიტერატურა[რედაქტირაფა | წყუშ რედაქტირაფა]