სხაპუა (ხელუანობა)

სხაპუა — ტანიშ რიტმული ჸარაფი ვარდა დგომარობა, ნამუთ რჩქვანელობურ მუსიკაშ აზარათ ისრულებუაფუ. ოსხაპური ხელუანობა ოკათე ნახანდიშ ართ-ართი უჯვეშაში გჷმოლინება რე. სხაპუას დუდშე რელიგიური, მაგიური, საქორწინო, დო გოვითარაფილი ჯარალუაშო სოციალური დო ხანტურული შანულობა უღუდუ.

ქირსიანობაშახიან ეპოქას დიდი შანულობა უღუდჷ რიტუალურ სხაპუეფს, ჯვეში ბერძენული სხაპუეფს ამდღარშახ უღუნა ჟიგოლინა თეხანურ სხაპუეფშა. თიშ უმკუჯინალო, ნამჷ-და ბჟადალ ევროპაშ ოკათე სხაპუეფს ხანგჷრძე ისტორია უღუნან, ბჟაეიოლურ სხაპუეფიშ ტრადიცია თის ძალამო უწორუანს. არძა კათას სხაპუაშ მუშობური, თინეფშო დჷმახასიათაფალი, ფორმა აფუ აკოქიმინელი. თეშ ოსხირს რე აკოქიმინელი სცენური სხაპუა – ბალეტი.

პროფესიული სხაპუა, ნამუქჷთ გოვითარაფაშ მაღალ ეშალს მიოჭირინუნ, გჷნირთჷ ევროპული კლასიკური სხაპუაშ, თაშნეშეე აზიაშ დო აფრიკაშ ქიანეფიშ ოსხაპალი სისტემეფიშ ოსხირი. კლასიკური ტრადიცია მა-15 ოშწანურათ ითარიღებუ (იტალია), სხაპუეფიშ მაართა ბეშტელი ტექსტეფი – მა-16 ოშწანურათ (საფრანგეთი). მაართა ოსხაპურ სკოლაქ პარიზის გინწყჷ მა-17 ოშწანურას. თეხანიშ სხაპუეფი მა-20 ოშწანურაშ აკნაქიმინა რე.