მერი I (ინგლისი)

	მერი I; ინგლ. Mary I
	; მერი I (ანტონის მორიშ ნახანტა)
ინგლისიშ დო ირლანდიაშ დიაფალი
პოსტის გერინაშ ბორჯი
	კვირკვე, 1553 წანა – 17 გერგობათუთა, 1558 წანა
წიმოხონი	ჯეინი დო; ედუარდ VI
მონძე	ელისაბედ I
ნაღურა	გერგობათუთა 17, 1558 (42 წანერი); სენტ-ჯეიმსიშ დოხორე, ვესტმინსტერი, ინგლისი
ნთხორუ აბანი	ვესტმინსტერიშ ოაბატე
მუმა	ჰენრი VIII
ნანა	კატალინა არაგონალი
ალმასქუ	ფილიპე II
რელიგია	კათოლიციზმი

მერი I (ინგლ. Mary I; დ. 18 ფურთუთა, 1516 — ღ. 17 გერგობათუთა, 1558) — ინგლისიშ დო ირლანდიაშ დიაფალი 1553-1558 წანეფს, თიუდორეფიშ დინასტიაშ წჷმმარინაფალი, თაშნეშე, 1556 წანაშე ღურაშახ ესპანეთიშ დიაფალი, მუჭოთ ესპანეთიშ მაფა ფილიპე II-შ ალმასქუ.

მერი I ოცადუდჷ ინგლისიშ რეფორმაციაშ მოჯალაგუას დო ძალამს თხოზუდჷ პროტესტანტეფს დო აწარმენდჷ რეპრესიული პოლიტიკას თინეფიშ მეხჷ. მართუალაშ ხუთი წანაშ გოძვენას, მარი I-შ ზოჯუათ დაჩხირს დოჭვეს ბრელი პროტესტანტი. ჸათე უბადო პოლიტიკაშ გეშათ, მერი I-ს "ზისხერამი მერი"-ს ხოლო უძახჷდეს.

მერი I რდჷ ჰენრი VIII-შ დო კატალინა არაგონალიშ ცირასქუა. 1533 წანას, მუჟამსჷთ ჰენრიქ დო კატალინაქ ოფიციალურო ართიანს ჩეთხის, მერი უკანონოთ გეგმაცხადეს. ჰენრი VIII-შ ღურაშ უკულ, ინგლისიშ ომაფე ხვისტაშა ეშართჷ ჩხორო წანერი ედუარდ VI-ქ, ნამუთ ბრელ ხანს ვამეფენდჷ, 1553 წანას ქიდელახჷ დო დოღურჷ. ედუარდიშ ღურაშ უკულ, გოლინიანი პოლიტიკოსეფქ დიაფალო გეგმაცხადეს პროტესტანტი ლედი ჯეინ გრეი, ნამუსჷთ ჩხორო დღაშ დიაფალს უძახჷნა, მუშენდა ხვისტა ხვალე ჩხორო დღას, 10-19 კვირკვეშ გოძვენას უკინებუდჷ. მერიქ მალას გეგთარაგუ ჯეინი დო ხვისტა მუქ ქიდეკინჷ.

მერი I-ქ, 1554 წანას ოსურო მიდაჸუნჷ მუშე ვითაართი წანათ უკულაში ფილიპე II-ს დო 1556 წანაშე გინირთჷ ესპანეთიშ დიაფალ-კონსორტო.

მერი I-ქ ღურუ 1558 წანაშ 17 გერგობათუთას. თიში გეჸვენჯი მონარქიშ ელისაბედ I-შ მართუალაშ პერიოდის, ინგლისიქ კინ პროტესტანტიზმის დართჷ.

ლიტერატურა

Edwards, John. (2011). Mary I: England's Catholic Queen. New Haven and London: Yale University Press.
Erickson, Carolly (1978). Bloody Mary: The Life of Mary Tudor. Garden City, NY: Doubleday.
Waldman, Milton (1972). The Lady Mary: A Biography of Mary Tudor, 1516–1558. London: Collins.