მიკროსკოპი

ვიკიპედია-შე
Jump to navigation Jump to search
Compound Microscope (cropped).JPG
18 ოშწანურაშ მიკროსკოპეფი

ელექტრონული მიკროსკოპი — ხეჭკუდი, ნამუსჷთ შეულებუ მიღას ობიექტიშ ჭყანიერ გადიდორაფილი ამნახანტი ელექტრონეფიშ ართ ჭურჭულს ფოკუსირაფაშ მეშქაშობათ.

ოპტიკური მიკროსკოპიშე გინორთი, ელექტრონულ მიკროსკოპის გჷმირინუანა ელექტრონეფიშ ნაკათის დო მაგნიტურ ვარ-და ელექტრონულ ლინზეფს.

კანკალე ელექტრონული მიკროსკოპი უნარღელჸენს ამნახანტიშ 2 მილიონშახ გადიდორებას. საუჯგუშო ოპტიკური მიკროსკოპეფი ხვალე 2000-შახ ადიდორენა. მუჭოთ ელექტრონულ, თეშ ოპტიკურ მიკროსკოპეფს შეულებჷნა გოთანჯან რეღმაშ სიგჷნძაშ დოჸუნალა. მიკროსკოპიშ მუსხირენი ტიპი რე, ნამუეფს შქას ულტრამიკროსკოპით რე.[1]

ელექტრონულ მიკროსკოპეფს გჷმირინუაფუ ელექტრონული ვარდა მაგნიტური ლინზეფს, ელექტრონეფიშ ომართალო დო ობიექტიშ ნამდგაინი გოთანჯილი აბანიშ გადიდორაფალო.

ელექტრო ამნახანტეფიშ მიკროსკოპი[რედაქტირაფა | წყუშ რედაქტირაფა]

  • ელექტრონული ამნახანტეფიშ მიკროსკოპი
  • რასტრული ელექტრონული მიკროსკოპი
  • მასკანირაფალი ატომური ჭყანაშ ელექტრონული მიკროსკოპი
  • ემასარკალი ელექტრონული მიკროსკოპი
  • რასტრული ტრანსიმიული ელექტრონული მიკროსკოპი
  • ფოტო გუმაჭყაფალი ელექტრონული მიკროსკოპი

მიკროსკოპიშ ნაგი[რედაქტირაფა | წყუშ რედაქტირაფა]

მიკროსკოპიშ ამნახანტი 1911 წანაშ ინგლისური ლექსიკონშე. 1 — ოკულარი; 2 — ობიექტივიშ ოთირალი ხარხენი; 3 — ობიექტივი; 4 — კრემალერა მოხუჯური გიოწურაფუშო; 5 — მიკრომეტრული ხარხენი ბონი გიოწურაფუშო; 6 — ომეკონე ტაბაკი; 7 — სარკე; 8 — კონდენსორი.
  1. ტუბუსი – სვირი
  2. ოკულარი – ტუბუსიშ დუდი (თექ ინოხე გჷმადიდორაფალი ლინზეფი)
  3. ობიექტივი – ტუბუსიშ ბოლო (ლინზეფი თაქჷთ რე)
  4. ხარხენეფი – თინეფიშ მეშქაშალათ ტუბუსიშ ჟილენი დო გიმენი ყარაფა შილებე
  5. შტატივი – თის გემარგჷ მიკროსკოპიშ არძა ნორთი
  6. ომეკონე ტაბაკი – აბანი, სოდე გიდვალუაფუ დაკვირაფალი ობიექტი. (ომეკონე ტაბაკიშ ცენტრის რხვილი რე)
  7. სარკე – ნამუშ მეშქაშალათ სინთე მიაწუარაფუ რხვილს
  8. ნერჩი – დგჷმუ.

მიკროსკოპის ობიექტიშ გოდიდორაფა მუსხიშა შეულებუ გიგებუაფუ, ოკულარწკჷმა გეჭარილი რიცხუშ ობიექტივწკჷმა რიცხუშა გომიარაფათ.

სქოლიო[რედაქტირაფა | წყუშ რედაქტირაფა]

  1. ultramicroscope | instrument (en). კითხირიშ თარიღი: 2 April 2017.