მიტოქონდრია

ვიკიპედიაშე

მიტოქონდრია (მიტოს „ძაფი“, ქონდრიონ „ლაწკარი“) — ლაგჷრძია ფორმაშ წჷმნაქიმინეფი. ფორმა დო ზჷმა გინორთელი რე. თინეფი შილებე ჩხირიშობური დო ოვალური ფორმაშ ორდასჷნ. თინეფიშ მუდანობა დოჸუნს თოლიშ ფუნქციურ აქტივალაშა. შურღალაშ პროცესი მიტოქონდრიეფს მეურს. მიტოქონდრიაშ დაცხი ჟირი მემბრანაშე აკმოდირთჷ. დინოხოლენ მემბრანაშ დინოხოლენი ოფირჩა ეშაფშაფილი რე თხითხჷ ნიფთიარაფათ — მატრიქსით. დინოხოლენი მემბრანას დო მატრიქსის ეშახე ფერმენტეფი, ნამუეფჷთ ორგანულ ნიფთიარაფეფს ჭჷნა. თინა გოხურგელი რე ჟირფა მემბრანათ. თიშ დინოხოლე ინოხე რიბოსომეფი, დნბ-შ მუსხირენი მოლეკულა დო რნბ. დინოხოლენი მემბრანას ინოხე ფერმენტეფი, ნამუშ მეშქაშალათ ხვადჷ ორგანიზმიშო უციო ენერგიაშ გოჭყაფა.