ნაცუმე სოსეკი
| ნაცუმე სოსეკი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 9, 1916 (49 წანერი) |
| ღურაშ აბანი: | |
| ერუანობა: | |
| საქვარუა: | |
| Magnum opus: |
გური (1914) |
| ჟანრი: |
პროზა, პოეზია |
| ნინა: | |
ნაცუმე სოსეკი (იაპ. 夏目 漱石, თახმი ჯოხო: ნაცუმე კინოსუკე, იაპ. 夏目 金之助; დ. 9 ფურთუთა, 1867, ედო, მუსასი, იაპონია — ღ. 9 ქირსეთუთა, 1916, ტოკიო, იაპონია) — იაპონარი ჭარუ, ნოველისტი დო პოეტი. შინელი რე ნოველეფით: "გური" (1914), "ბოჩანი" (1906), "მა კატუ ვორექ" (1906), "კუსამაკურა" (1906) დო "სინთე დო უკუმელა" (ნამუშ თებაქ ავტორს ვაჭიშუ). თაშნეშე სოსეკი რე ავტორი ჰაიკუეფიშ დო არიკეფიშ. სოსეკი რდჷ ბრიტანული ლიტერატურაშ სპეციალისტი. თიში პორტრეტი გეხანტილი რდჷ იაპონური იენაშ 1000-იან ბანკნოტის, 1984-2004 წანეფს.
სოსეკი გურაფულენდჷ ტოკიოშ ოშქაშე სკოლას. უკულ გურაფა გაგინძორჷ ტოკიოშ უნივერსიტეტის, სოდეთ არქიტექტურას გურაფულენდჷ. ჸათე პერიოდის დეინტერესჷ ჩინური დო ინგლისური ლიტერატურათ. სოსეკიქ უნივერსიტეტი 1893 წანას გათუ დო მუშობა ქიდიჭყჷ ტოკიოშ ართ-ართი სკოლას. 1900 წანას იაპონიაშ თარობაშ დაფინანსებათ დო პატრონაჟით სოსეკიქ ბრიტანეთშა მიდართჷ დო გემშართჷ ლონდონიშ ოუნივერსიტეტე კოლეჯიშა. 1903 წანას გურაფა გათუ დო იაპონიაშა დირთჷ. მუშენდჷ ტოკიოშ მაართა კოლეჯის დო ტოკიოშ უნივერსიტეტის. უნივერსიტეტის სოსეკი ლიტერატურული თეორიას დო კრიტიკას ოგურუანდჷ.
სოსეკიქ ლიტერატურული კარიერა დიჭყჷ 1903 წანას. ჸათე პერიოდის სოსეკიქ გჷმაბჟინუ მუში მაართა ჰაიკუ, რენკუ დო ლიტერატურული სკეთჩეფი შხვადოშხვა ლიტერატურულ ჟურნალეფს. დიდი პოპულარობა მოუღჷ რომანქ "მა კატუ ვორექ", ნამუქჷთ 1906 წანას გიშართჷ. ჸათე რომანი სატირული ფორმაშ ნაწარმები რე. ჸათე რომანს უკულ მაჸუნჷ შხვა პოპულარულ ნახანდეფქ ხოლო. სოსეკიშ ნაწარმებეფიშ თარი თემეფი რე: ეკონომიკური პრობლემეფი, ლოიალურობა, დუდიშალაშო ლჷმა, მენტალობა, პერსონალური იზოლაცია, ადამიერიშ რჯებაშ პესიმისტური სცენარი დო შხვეფი.
ნაცუმე სოსეკიშ ნაჭარეფს უღჷ დიდი პოპულარობა მოსოფელიშ მასშტაბით. თიში ნახანდეფი თანგილი რე ინგლისურ, ფრანგულ, ესპანურ, რუსულ, არაბულ, ნიდერლანდურ დო შხვა ნინეფშა.
ლიტერატურა[რედაქტირაფა | წყუშ რედაქტირაფა]
- Yu, Beongchoeon. Natsume Sōseki. Macmillan Publishing Company (1984). ISBN 0-8057-2850-3
- Gessel, Van C. Three Modern Novelists: Soseki, Tanizaki, Kawabata. Kodansha International, 1993
