ოდოაკრი

ოდოაკრი
ოდოაკრიშ გჷმოხანტუა 477 წანაშ რავენაშ ზარაფხანას მუკნაჭარა მონეტას
იტალიაშ მაფა
პოსტის გერინაშ ბორჯი
4 ეკენია, 476 – 15 მელახი, 493
მონძე	თეოდორიხ დიდი
დუნაბადი	დოხოლაფირო 433
ნაღურა	15 მელახი, 493 (60 წანერი) რავენა, იტალიაშ ომაფე
მუმა	ედიკა
ალმასქუ	სუნიგილდა
სქუალეფი	თელა
რელიგია	არიანალობა

ოდოაკრი (დ. დოხოლაფირო 433 — ღ. 15 მელახი, 493) — იტალიაშ მაართა ბარბაროსი მაფა.

ოდოაკრი რდჷ გერმანალი მალიმარი დო ორხველუდჷ სკირეფიშ გერმანული ტომს. 470-იან წანეფიშე ნინალენდჷ რომიშ არმიას დო მიოჭირინუ მანჯღვერთარობას. 475 წანას რომალი ოურდუმე მოღალექ ორესტესიქ გეგთარაგუ რომიშ იმპერატორი იულიუს ნეპოტი. უკულ ოდოაკრი ხემანჯღვერენდჷ არჸებეფს ორესტესიშ მეხჷ. 476 წანაშ 23 მარაშინათუთას ოდოაკრიქ გეგთარაგუ ბჟადალი რომიშ იმპერიაშ ეკონია იმპერატორი რომულუს ავგუსტულუსი (ორესტესიშ სქუა) დო დუდი იტალიაშ მაფათ გეგმაცხადჷ. ბორჯიშ ჸათე პერიოდი მერჩქინელი რე ბჟადალი რომიშ იმპერიაშ დათებუთ.

ოდოაკრი ჩინებულენდჷ ბჟაეიოლი რომი იმპერიაშ იმპერატორიშ ზენონიშ პატონუას, ნამუქჷთ ოდოაკრის პატრიციშ ტიტული გეგნოჩჷ. მარა ოდოაკრი მუში დუს მაფათ მიშინუანდჷ. ოდოაკრიქ ატარჷ ადმინისტრაციული რეფორმეფი. უღუდჷ ალარინა რომიშ სენატიშე. მუში ალმარენჯეფს დიხეფი დურიგუ. რომიშ კათოლიკური ეკლესიაშ დინახალენი საქვარეფს ოდოაკრი ვაჩარიებე.

480 წანას ოდოაკრიქ გემშეჭკირჷ დალმაციაშა დო გეჸვენჯი ჟირი წანაშ გოძვენას თინა რსულას ქიდეკინჷ. 484 წანას, მანჯღვეღთარი ილუსიშ ელაჩამათ, ოდოაკრიქ გემშეჭკირჷ დო დოლაშქუ ბიზანტიაშ ბჟადალი პროვინციეფი. ათექ ძალამს გაუარეს ოდოაკრიშ ურთიართალა ზენონიწკჷმა, ნამუქჷთ იტალაის ქეშუკათუ თეხანური ავსტრიაშ ტერიტორიას მახორუ გერმანული ტომეფი რუგეფი. 487-488 წანეფიშ ზოთონჯის, ოდოაკრიქ გეგნოკვათუ დუნაი დო დამარცხჷ რუგეფი. უკულ ზენონქ იტალიაშ ახალი მაფათ გეგმაცხადჷ ოსტგოთი თეოდორიხი. 489 წანას თეოდორიხიქ გემშეჭკირჷ იტალიაშა დო 490 წანაშო დახე რსულას ქიდეკინ აპენინიშ ჩქონი. ოდოაკრიქ ინტუ დო რავებას დიტყობუ. თეოდორიხიქ ოდოაკრი დიარაშა ქუდაპატიჟჷ ითამ შერიგაშ ღანკით დო მუხანათურო დოჸვილჷ

ლიტერტურა

• ენციკლოპედია ბრიტანიკა