პეტრე III
| პეტრე III Пётр III | ||
 პეტრე III-შ პორტრეტი. ლუკას კონრად პფანდცელტიშ ნახანტა | ||
| რუსეთიშ იმპერატორი | ||
|---|---|---|
| პოსტის გერინაშ ბორჯი | ||
| 5 ღურთუთა, 1762 – 9 კვირკვე, 1762 | ||
| წიმოხონი | ელისაბედ I | |
| მონძე | ეკატერინე II | |
| პოსტის გერინაშ ბორჯი | ||
| 18 მანგი, 1739 – 9 კვირკვე, 1762 | ||
| წიმოხონი | კარლ ფრედერიკი | |
| მონძე | პავლე | |
| დუნაბადი | 21 ფურთუთა, 1728 კილი, ჰოლშტაინ-გოტორპი, ჰოლშტაინიშ ოჰერცოგე | |
| ნაღურა | კვირკვე 17, 1762 (34 წანერი) როპშა, რუსეთიშ იმპერია | |
| ნთხორუ აბანი | სანქტ-პეტერბურგიშ წიმინდე პეტრეშ დო პავლეშ ოკათედრე ოხიდა | |
| მუმა | კარლ ფრედერიკი, ჰოლშტაინ-გოტორპიშ ჰერცოგი | |
| ნანა | ანა პეტროვნა | |
| ალმასქუ | ეკატერინე II | |
| სქუალეფი | პავლე I | |
| ხეშმოჭარუა |  | |
პეტრე III (რუს. Пётр III Фёдорович, დაბადებაშ ჯოხო კარლ პეტერ ულრიხი, გერმ. Karl Peter Ulrich, დ. 21 ფურთუთა [ჯვ. სტ. 10 ფურთუთა], 1728 — ღ. 17 კვირკვე [ჯვ. სტ. 6 კვირკვე], 1762) — რუსეთიშ იმპერატორი 1762 წანაშ 5 ღურთუთაშე 9 კვირკვეშახ. რომანოვეფიშ დინასტიაშ წჷმმარინაფალი.
მუჭოთ მუმათ გერმანალს პეტრეს რუსული ჯგირო ვაუჩქჷდჷ. მართუალაშ ბორჯის მეთხოზუდჷ პრო-პრუსიული პოლიტიკას. შკვითწანიანი ლჷმაშ მიმალობას, პეტრექ რუსეთიშ ჯარეფი პრუსიაშ ტერიტორიეფიშე გეგშეჸონჷ დო პრუსიაწკჷმა ოთინჩალე ხეკულუა ქუდოდვჷ. პეტრეშ ათე პოლიტიკა პოპულარული ვარდჷ. მალას პეტრეშ ალმასქუქ ეკატერინექ მუში ოჸოროფუ გრიგორი ორლოვი დო შხვა მოხუჯეეფიწკჷმა ართო, პეტრე გეგთარაგუ დო ხეშუულება მუქ ქაშეჸოთჷ ხეშა. პეტრე ოჭოფეს დო გეგნიჸონეს ოფუტე როპშაშა, სოდეთ თინა 1762 წანაშ 17 კვირკვეს დოჸვილეს. პეტრეშ გალენური პოლიტიკას პოპულარობაქ ვეიაჭოფჷ, მარა მართუალაშ კუნტა ბორჯიშ გოძვენას თიქ ატარჷ შანულამი რეფორმეფი: გიმაცხადჷ რელიგიური დუდშულობა, გაუქვჷ ნაფულა პოლიცია, კანონგალეთ გეგმაცხადჷ ჭკორეფიშ ღურათ დასაჯება სასამართალოშ უმუშო. თაშნეშე პეტრე ოცადუდჷ გონათაფაშ ხეშენწყუალას დო რუსეთიშ არმიაშ მოდერნიზაციას.