პირიქითი ალაზანი

პირიქითი ალაზანი
დოხასიათაფა
სიგჷრძა	49 კმ
ღანჩოშ ფართობი	368 კმ²
წყარიშ ნადუ
ოდუდე	პირიქითი ქჷნდჷრი
ინაკათუ	თუშეთიშ ალაზანი

პირიქითი ალაზანი (ჟიმოლენი მალუობას ქვახიდისწყალი) — წყარმალუ თუშეთის, ანდიშ ყოისუშ ართ-ართი მადგინალი. სიგჷრძა 49 კმ, ღანჩოშ ფართობი 368 კმ². ოდუდე უღჷ პირიქითი ქჷნდჷრიშ ობჟათე კართეშ წყარმალუს ზუღაშ დონეშე 3195 მ-ას; აკათუ თუშეთიშ ალაზანს კვარჩხანშე, ოფუტე ომალოწკჷმა. ეთმიჯუმუაფუ თირიშ, უგურყელური, დიხაშთუდონ დო ჭვემაშ წყარით. წყარალა უჩქჷ აფუნ-ზარხულს (მაქსიმალური — კვირკვეს), წყარმარჩხობა — გერგობათუთაშე პირელშახ. გერგობათუთაშე მელახშახ იცქვიფუ, რჩქინდუ შალამა, ელაჸინილი.

შალამახიბილიშ გეშა ნამთინეშა წყარი გითმიხვილუ დო დონე ეთმიკინანს. ვანაფერო იფორუ ედომუშამი ჸინუფორუთ ნარა მალუობაშ მუნაკვათეფს. ოშქაშე წანური ხარჯი აკაკათაფუწკჷმა 10,2 მ³/წმ. აფუნშა მოურს წანური გჷმნაველიშ 34%, ზარხულ-დამორჩილს — 56%, ზოთონჯის — 10%.

თარ ნადუეფი რე: ლაროვანისწყალი, დიდი ხევი.

ლიტერატურა

• აფხაზავა ი., ქორთული სხუნუეფიშ ენციკლოპედია, ტ. 8, ხს. 81, ქართი, 1984 წანა.