პოლიბიოსი
| პოლიბიოსი | |
 | |
| დაბადებაშ თარიღი: |
დოხოლაფირო ჯვ.წ. 200 |
|---|---|
| დაბადებაშ აბანი: | |
| ღურაშ თარიღი: |
დოხოლაფირო ჯვ.წ. 118 (82 წანერი) |
| ღურაშ აბანი: | |
| ერუანობა: | |
| საქვარუა: | |
| Magnum opus: | |
| ნინა: | |
პოლიბიოსი (ბერძ. Πολύβιος, ლათ. Polybius, დ. დოხოლაფირო ჯვ.წ. 200, მეგალოპოლისი, არკადია — ღ. დოხოლაფირო ჯვ.წ. 118, რომაული საბერძნეთი) — ბერძენი ისტორიკოსი, შინელი რე ნახანდით "ისტორია", სოდეთ ეჭარილი რე ჯვ.წ. 264-146 წანეფიშ პერიოდი დო პუნიკური ლჷმეფი.
შანულამი რე პოლიბიოსიშ ანალიზი ხეშულებაშ გორთუალაშ დო ბალანსიშ გეშა, ნამუქჷთ დიდი გოლინა იღვენუ მონტესკიეშა, ჯონ ლოკიშა დო ააშ-იშ კონსტიტუციაშ ავტორეფიშა.
პოლიბიოსიქ დებადჷ მეგალოპოლისის, არკადიას, დოხოლაფირო ჯვ.წ. 200 წანას. პოლიბიოსიშ მუმა რდჷ ლიკორტი, აქაარეფიშ ლიგაშ გიშარჩქინელი პოლიტიკოსი. პოლიბიოსი ბაღანობაშე მონაწილენდჷ აქაარეფიშ პოლიტიკურ დო ოურდუმე საქმეეფს. თიქ, ჯვ. წ. 169 წანას გიშაგორილქ იჸუ ჰიპარქოსო. მასუმა მაკედონური ლჷმაშ ბორჯის ლიკორტი დო პოლიბიოსი ნეიტრალიტეტიშ პოლიტიკას მეთხოზუდეს. მარა რომაალეფი თენეფიშ ჸათე პოლიტიკას ქეჭვით უჯინიდეს. ჸათეშ გეშათ, ჯვ. წ. 167 წანას რომაალეფქ 1000 აქაარი ოჭოფეს დო რომშა გეგნახორეს. თენეფიშე ართ-ართი პოლიბიოსი რდჷ.
რომს, პოლიბიოსიქ გეჩინებაფუ რომიშ გიშარჩქინელი პოლიტიკოსი დო ოურდუმე მოღალე ლუციუს ემილიუს პაულუსი დო რდჷ თიში სქუალეფიშ ფაბიუსიშ დო სციპიონიშ მაგურაფალი.
რესურსეფი ინტერნეტის
[რედაქტირაფა | წყუშ რედაქტირაფა]- პოლიბიოსი ენციკლოპედია ბრიტანიკას
- პოლიბიოსი Oxford Classical Dictionary-ის
- პოლიბიოსი - ნახანდეფი პროექტ „გუტენბერგის“
- პოლიბიოსიშ ნაჭარეფი Perseus Digital Library-ის
- პოლიბიოსი Internet Archive-ის