პოლ სკოულზი

ვიკიპედია-შე
Jump to navigation Jump to search
კუჩხბურთი
პოლ სკოულზი
P Scholes.jpg
დორხველი მუნაჩემეფი
ედომუშამი ჯოხო რაიან ჯოზეფ გიგზი
დაბ. თარიღი 16 გერგობათუთა, 1974 (1974-11-16) (ხანი 44)
დაბ. აბანი სელფორდი, ინგლისი,
სიმაღალა 168 სმ სმ.
პოზიცია ოშქაშემათხილე
ერუან. ნაკორობა ინგლისი
ინფორმაცია კლუბიშ გეშა
კლუბი მანჩესტერ იუნაიტედი
კარიერა
კლუბეფი 1993-2013

პოლ სკოულზი (ინგლ. Paul Scholes; დ. 16 გერგობათუთა, 1974; სელფორდი, დიდი მანჩესტერი) — ინგლისარი მობურთე, ნამუსჷთ ედმომუშამი ოკუჩხბურთე კარიერა უღუდჷ პრემიერ ლიგაშ კლუბ „მანჩესტერ იუნაიტედის“.

დებადჷ სელფორდის, გვიანო მიდართჷ ლენგლიშა, სოდეთ გილეშჷ კუჩხბურთიშა დო კრიკეტშა. თინა „მანჩესტერს“ მოხვადჷ 14 წანაშ ასაკის თიშ უკული, მუთი თოლშა მოუოლ სკაუტის თიში სკოლაშ ლაჸაფის. თიში დებიუტიქ იჸუ 1994-95 წანეფიშ სეზონს. მალას თიქ გინირთჷ კლუბიშ ართ-ართი თარი მოლაჸაფეთ, მიგჷ ორქოშ ჰეთ-თრიქი კლუბწკჷმა ართო 1998-99 წანეფიშ სეზონს, მიგჷ ვითი პრემიერ ლიგაშ, სუმი ინგლისიშ თასიშ დო ჟირი ჩემპიონეფიშ ლიგაშ მედალეფი.

სკოულზი ინგლისიშ ნაკორობას 1997 წანაშე 2004 წანაშა ლაჸაფენდჷ. ნაკორობაწკჷმა ართო ილაჸაფჷ 1998 დო 2002 წანეფიშ მოსოფელიშ ჩემპიონატის, 2000 დო 2004 წანეფიშ ევროპაშ ჩემპიონატეფს. კარიერაშ გოძვენას სკოულზის მეღებული აფუ 120 ჸვინთელი ბარათი დო გიშაჸათამილი რდჷ მოედანშე ვითშა.[1][2]

სკოულზის „მანჩესტერიშ“ ოსარეთ ნალაჸაფინა აფუ 677 აკოხვალამა, ათე მაძირაფალეფით თინა მაანთხა მობურთე რე კლუბიშ ისტორიას. სკოულზიქ დიდი კუჩხბურთიშე ულა ულამუდჷ 2011 წანაშ 31 მესის, მარა უკული გეგნიფირქ დო გინოჭყვიდჷ, ნამჷ-და ულაჸაფინუდუკო 2011-12 წანეფიშ სეზონიშ ბოლოშა.


რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]