პროგრამირაფაშ ნინა

ვიკიპედიაშე
შხვა შანულობეფშო ქოძირით ნინა.
ლექინი კოდი კომპიუტერული პროგრამაშო, ნამუთ ჭარილი რე C პროგრამირაფაშ ნინაშა. გოტებაშ უკული პროგრამას გიშმუღუ გეჸვენჯი კონტექსტუალური ოსინთე „Hello, World!“.

პროგრამირაფაშ ნინა — შანეფიშ ფორმალური სისტემა, ნამუთ პროგრამეფიშ აკაქჷმინალო გჷმირინუაფუ. პროგრამირაფაშ ნინას უღუ ლექსიკური, სემანტიკური დო სინტაქსური წესეფი.

ასეშო არსებენს 2000–შე უმოსი პროგრამირაფაშ ნინა დო ირწანას თინეფიშ რიცხუ იძინანს. კანკალე პროგრამირაფაშ ნინა პოპულარობათ რგებაფულენს, კანკალეს ხვალე ავტორეფი გჷმირინუანა. პროფესიონალური პროგრამეფიშ აკაქიმინალო შილებე მუსხირენი პროგრამირაფაშ ნინა ართბორჯულო გჷმორინაფა ხოლო.

თარი მახასიათაფალეფი[რედაქტირაფა | წყუშ რედაქტირაფა]

დონე[რედაქტირაფა | წყუშ რედაქტირაფა]

გიშმაგორუნა მაღალი დონეშ დო დაბალი დონეშ პროგრამირაფაშ ნინეფს. დაბალი დონეშნინეფს მუთმოხვადუ პროცესორიშ, ოპერატიული შვენაშ დო კომპიუტერიშ ნორთეფიშ მართუა, თინეფს ორხველჷ ასემბლერი. მაღალი დონეშ ნინეფს შხირი რე აბსტრაქცია – აკმიქიმინუ მუნაჩემეფიშ თიჯგურა ტიპეფი, ნამუეფით ვაარსებენს, მარა კოდის ლექინ ომართალო გჷნმართინუანს.

სინტაქსი[რედაქტირაფა | წყუშ რედაქტირაფა]

ნინეფიშ უმენტაშობას უღუ ტექსტური სინტაქსი. თინა პროგრამირაფაშ ნინაშ ელემენტეფიშ თინი დინოჭქარუას გჷთმოთანჯუნს. (თაშნეშე ქძ. C-იშ მოგვენი სინტაქსი)

ბიბლიოთეკა[რედაქტირაფა | წყუშ რედაქტირაფა]

ნინეფს თარო უღჷნა მუნეფიშ ბიბლიოთეკა. ბიბლიოთეკას შილებე რდას სტრუქტურეფი, მუნაჩემეფიშ შხვადოშხვა ტიპეფი, ფუნქციეფი...

დიზაინი[რედაქტირაფა | წყუშ რედაქტირაფა]

პროგრამირაფაშ ნინა წჷმარინუანს პროგრამას, ნამუთ აკმოქიმინუნს შხვა პროგრამეფს. შილებე ართ პროგრამირაფაშ ნინას უხვადუდას ართი პროგრამა, ვარდა მუსხირენი პროგრამირაფაშ ნინა გოართოიანაფილი ორდასინ. (თაშნეშე ქძ. IDE)