ჟან კოქტო
| ჟან კოქტო | |
 ჟან კოქტო 1923 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 11, 1963 (74 წანერი) |
| ღურაშ აბანი: |
მიი-ლა-ფორე, საფრანგეთი |
| ერუანობა: | |
| საქვარუა: |
ჭარუ, პოეტი, ნოველისტი, დრამატურგი, რეჟისორი, სცენარისტი, დიზაინერი |
| პერიოდი : |
1908–1963 |
| Magnum opus: |
ჩე ქარღადი (1928) |
| ჟანრი: |
დრამა, ტრაგედია |
| ნინა: | |
| ჯილდოეფი: |
ლუი დელუკიშ პრემია (1946) |
|
| |
ჟან მორის ეჟენ კლემან კოქტო (ფრანგ. Jean Maurice Eugène Clément Cocteau; დ. 5 კვირკვე, 1889, მეზონ-ლაფიტი, საფრანგეთი — ღ. 11 გჷმათუთა, 1963, მიი-ლა-ფორე, საფრანგეთი) — ფრანგი ჭარუ, პოეტი, ნოველისტი, დრამატურგი, რეჟისორი, სცენარისტი დო დიზაინერი. რდჷ სიურრეალისტური, ავანგარდული დო დადაისტური გემაჸვენჯობეფიშ ართ-ართი თარი წჷმმარინაფალი დო თაშნეშე მაეჩა ოშწანურაშ ხელუანობაშ ართ-ართი უდიდაში დო გოლინიანი ფიგურა.
კოქტო შინელი რე რომანეფით "ჩე ქარღადი", "მერმენწა ბაღანეფი" დო პიესეფით "ადამიერიშ ხონარი", "ობეჭდალი მანქანა", "ჟირ დუდამი კიღურა", "ჯოჯოხეთური მანქანა" დო შხვეფით. ჟან კოქტოშ შანულამი კინო-ფილმეფი რე: "მერმენწა მასქერეფი" (1948), "ზისნახე დო ნონტყელი" (1946), თაშნეშე ორფეოსიშ ტრილოგიაშ ფილმეფი: "პოეტიშ ზისხირი" (1930), "ორფეოსი" (1950) დო "ორფეოსიშ აპიანი" (1960). AllMovie-იშ აზრით კოქტო რდჷ ართ-ართი არძაშე უმოსო გოლინიანი ავანგარდული რეჟისორი კინო ინდუსტრიას.
კოქტო რომანეფიშ, პიესეფიშ დო კინო ფილმეფიშ გარდა რე ავტორი ლერსეფიშ, პოემეფიშ, ესსეეფიშ დო ნახანტეფიშ. კოქტო მოღალენდჷ ხელუანობეფიშ შხვადოშხვა დარგეფს, მარა მუშ დუდის პოეტის უძახჷდჷ.
მუჭოთ ჰომოსექსუალისტის მუში სექსუალური ორიენტაცია დღას ვაუფულჷ. თიშ პარტნიორეფი რდეს გიშარჩქინელი ფრანგი ნოველისტი რეიმონ რადიგე, არტისტი ჟან მარე დო შხვეფი. ჟან კოქტო რდჷ ლუი დელუკიშ პრემიაშ ლაურეატი, საპატიო ლეგიონიშ ორდენიშ კომანდორი, ბელგიაშ ომაფე აკადემიაშ, საფრანგეთიშ აკადემიაშ, გერმანული (ბერლინი) აკადემიაშ, მალარმეშ აკადემიაშ დო მარკ ტვენიშ აკადემიაშ მაკათური, კანიშ კინოფესტივალიშ საპატიო პრეზიდენტი, ფრანგულ-უნგრული ასოციაციაშ საპატიო პრეზიდენტი დო ჯაზიშ აკადემიაშ პრეზიდენტი.
