რამაზ შენგელია
| რამაზ შენგელია | |
|---|---|
| დორხველი მუნაჩემეფი | |
| დაბ. თარიღი | 1 ღურთუთა, 1957 |
| დაბ. აბანი | ქუთეში, სსრრ |
| ღურაშ თარიღი | 21 მანგი 2012 (55 წანერი) |
| პოზიცია | გიმანთხაფალი |
| პროფესიული კლუბეფი | |
| 1973–1976 წწ. | „ტორპედო“ ქუთეში მატჩი (გოლი)* 75 (29) |
| 1977–1988 წწ. | „დინამო“ ქართი მატჩი (გოლი)* 283 (120) |
| 1989–1990 წწ. | „ჰოლმსუნდი“ მატჩი (გოლი)* 13 (2) |
| ერუანული ნაკათა | |
| 1979–1983 წწ. | სსრრ მატჩი (გოლი)* 26 (10) |
| * მატჩეფც კათინი (გოლეფი) | |
რამაზ შენგელია (დ. 1 ღურთუთა, 1957, ქუთეში, საქორთუოშ სსრ – ღ. 21 მანგი, 2012) — ქორთუ მობურთე, გიმანთხაფალი. რდჷ ქართიშ „დინამოშ“ დო სსრრ ერუანული ნაკათაშ მაკათური. სპორტიშ დოინალაფირი ორსანტი (1981).
სპორტული კარიერა
[რედაქტირაფა | წყუშ რედაქტირაფა]რამაზ შენგელიაქ 1957 წანაშ 1 ღურთუთას დებადჷ ქუთეშის. კუჩხბურთიშ ლაჸაფი დიჭყჷ 1968 წანას ქუთეშიშ „ტორპედოშ“ მახაზირაფალ ბუნას, ნამუსჷთ მაწვართალი კარლო ხურციძე ხემანჯღვერენდჷ. 1973-1976 წანეფც სსრრ მაართა ლიგას გჷშმეშჷ „ტორპედოშ“ მაართა ბუნაშ აკოდგინალუას. [1]
1977 წანას გჷნორთჷ ქართიშ „დინამოშა“, ნამუსჷთ ნოდარ ახალკაცი წვართუნდჷ. მაართა წანასჷნე შენგელიაქ სხუნუეფიშ რსხუშ ჩემპიონატიშ ვარჩხილიშ პრიზიორო გჷნირთჷ, ოდო გეჸვენჯი წანას – ქიანაშ ჩემპიონო. 1979 წანას მობურთექ ქიანაშ თასი ხოლო მიიგჷ.[1] ბუნეფწკჷმა ართო, შენგელიაქ მიიგჷ 1980-1981 წანეფიშ ევროპაშ თასეფიშ მაღვენჯეფიშ თასი.
სხუნუეფიშ რსხუშ ახალნორდულ ნაკათაწკჷმა ართო 1980 წანას მიიგჷ ევროპაშ ახალნორდული ჩემპიონატი.[1] თარ ნაკათას ლაჸაფენდჷ 1979-1983 წანეფც დო 26 ლაჸაფის 10 გოლი მითიიღჷ.[2] ნაკათაწკჷმა ართო ოკათუდჷ 1982 წანაშ მოსოფელიშ ჩემპიონატის, სოდეთ ხუთხოლო მატჩის ოკათუდჷ დო 1 გოლი მითიღჷ.[3]
რამაზ შენგელია ჟირშა რდჷ ჯოხოდვალირი სხუნუეფიშ რსხუშ საუჯგუშო მობურთეთ: 1978 დო 1981 წანეფც.[4] 1981 წანას გჷნირთჷ ჩემპიონატიშ საჯგუშო ბომბარდირო (31 მატჩის 23 გოლი).[5] 1981 წანასჷნე, ჟურნალ „France Football“-იშ ირწანურ ორქოშ ბურთიშ გჷმოკითხირც, შენგელიას წანაშ საუჯგუშო მობურთეეფ შქას მა-7 აბანი მეურჩქინეს.[6]
რამაზ შენგელიაქ 2012 წანაშ 21 მანგის, 55 წანაშ ხანც, გურიშ მენტებათ დოღურჷ.[7][8][9]
ჯილდოეფი
[რედაქტირაფა | წყუშ რედაქტირაფა]- სხუნუეფიშ რსხუშ ჩემპიონი: 1978.
- სხუნუეფიშ რსხუშ თასიშ მაღვენჯი: 1979.
- უეფა-შ თასეფიშ მაღვენჯეფიშ თასიშ მაღვენჯი: 1980-81.
- სხუნუეფიშ რსხუშ საუჯგუშო მობურთე: 1978, 1981.
სქოლიო
[რედაქტირაფა | წყუშ რედაქტირაფა]- ↑ 1.0 1.1 1.2 „გზა თასისაკენ“ (ცნობარი), ავტორ-აკმადგინალეფი: გ. აკოფოვი, დ. კაკაბაძე, საქორთუოშ სპორტულ ჟურნალისტეფიშ ფედერაცია, ხს. 15.
- ↑ Рамаз Шенгелия.
- ↑ World Cup 1982 finals. RSSSF.
- ↑ Soviet Union - Player of the Year Awards. RSSSF.
- ↑ Лучшему бомбардиру. Narod.ru
- ↑ European Footballer of the Year ("Ballon d'Or") 1981. RSSSF.
- ↑ რამაზ შენგელიაქ დოღურჷ. „მსოფლიო სპორტი“, 21.06.2012.
- ↑ რამაზ შენგელიაქ დოღურჷ ...[ღურელი რსხილი] საქორთუოშ კუჩხბურთიშ ფედერაცია.
- ↑ შეწამაფაშ ჭარილი მიშელ პლატინიშე[ღურელი რსხილი]. საქორთუოშ კუჩხბურთიშ ფედერაცია.