რაჭაშ ქჷნდჷრი
ჯაბა ლაბაძეშ ფოტო
რაჭაშ ქჷნდჷრი — მანგობური ხასჷლაშიანი ქჷნდჷრი კავკაციონიშ ობჟათე კართეს, იჭყაფუ კავკაციონიშ თარ ქჷნდჷრც, კონკა ზეკარაწკჷმა დო ითებუ ბჟადალჸურე წყარმალუ რიონიშ კვარჩხან პიჯის. სიგჷრძა — 85 კმ. სიმაღალა — 2862 მ-შახ. ბჟაეიოლ ნორთის ეგაფილიე იურული ტკილეფით დო პორფირიტული წყობეფით, ბჟადალჸურე — ცარცული კირქუალეფით. რაჭაშ ქჷნდჷრციე კონკეფი: მაჩხარახონი,სირხლებერთა (ლებეურაშ გვალა), დაღვერულა, ხიხათა, ველტყევი, საწალიკე, ნაქერალა, თავშავა დო შხვა; ჸალაიბონეფი:ლეთა, ერწო, ხიხათა, ნაქერალა დო შხვა. ობჟათე კართე ფაფალა რე, ოორუე — ელართელი, სოდეთ იდვალუაფუ შაორიშ ტობაში. შაორიშ ქვიბი კარსტული რღამილიე, ნამუთ წყაროთხილუთიე გჷმორინაფილი. ქჷნდჷრიშ ბჟადალ ნორთიშო დუმახასიათაფალიე რელიეფიშ კარსტული ფორმეფიშ სიხვე. რაჭაშ ქჷნდჷრიშ კართეეფი გოქუნილიე ფართოფურცელამი ტყათ, ოორუე კართეს წიფონ-რუმელირსამეფით რე, კუნწულც ბჟაეიოლ ნორთის სუბალპური დო ალპური დოლოეფიე.
ქოძირით თაშნეშე
[რედაქტირაფა | წყუშ რედაქტირაფა]ლიტერატურა
[რედაქტირაფა | წყუშ რედაქტირაფა]- უკლება დ, ქორთული სხუნუეფიშ ენციკლოპედია, ტ. 8, ხს. 314, ქართი, 1984 წანა.