სალმანასარ I
| სალმანასარ I 𒁹𒀭𒁲𒈠𒉡𒊕 | |
| ასურეთიშ მაფა | |
|---|---|
| პოსტის გერინაშ ბორჯი | |
| დოხ. ჯვ. წ. 1273 – დოხ. ჯვ. წ. 1244 | |
| წიმოხონი | ადადნირარი I |
| მონძე | ტუკულტი-ნინურტა I |
| მუმა | ადადნირარი I |
| სქუალეფი | ტუკულტი-ნინურტა I |
სალმანასარ I, სალმანუ-აშარედ — ასურეთიშ მაფა ოშქაშე ასურული პერიოდის, ჯვ. წ. 1273-1244 წანეფს, შხვა ვერსიათ ჯვ. წ. 1265-1235 წანეფს.
სალმანასარი რდჷ ადადნირარი I-შ სქუა. სალმანასარი აწარმენდჷ წჷმოძინელი ოურდუმე კამპანიეფს. მართუალაშ მაართა წანას თიქ ქიდეკინჷ ბრუო ქიანა დო მოჯალაგუ ჯიხაზურგა არინუ, ნამუშ ნტვერი აშურიშა ქიმიღჷ. მაჟირა წანას, თიქ დამარცხჷ ჰანიგალბატიშ (მითანი) მაფა სათუარა დო თიში მორსხუეეფი: ხეთეფი დო აჰლამუეფი. სალმანასარქ მითანი ასურეთის ქიმურსხუ დო თინა ასურეთიშ ართ-ართი პროვინციათ გინაშქუ.
ტერიტორიეფიშ დოჸუნაფაშ უკულ, სალმანასარი მახორუეფს ეიოხორუანდჷ დო თინეფს გინმახორუანდჷ შხვადოშხვა აბანეფიშა. ოურდუმე ექსპედიციეფიშ შედეგო, სალმანასარქ ქიდეკინჷ კაბეტი ტერიტორიეფი: ტაიდუშე ირიდუშა დო სუდუშე ჰარანუშა. სალმანასარქ ეიოგჷ დოხორეეფი აშურს დო ნინევიას, გაახალჷ აშურიშ ოხვამე დო დარსხუ ნოღა ქალხუ. სალმანასარიშ გეჸვენჯი მაფა დო მონძე რდჷ სქუა ტუკულტი-ნინურტა I.