სერგეი ეიზენშტეინი
სერგეი ეიზენშტეინი | |
რუს. Сергей Михайлович Эйзенштейн; ლატ. Sergejs Eizenšteins | |
![]() | |
ჯოხო დაბადებაშვანს |
სერგეი ეიზენშტეინი |
---|---|
მოღალობა |
რეჟისორი |
ბიოგრაფიული ჩინებეფი
| |
დაბადებაშ თარიღი | |
დაბადებაშ აბანი | |
ღურაშ თარიღი |
ფურთუთა 11, 1948 (50 წანერი) |
ღურაშ აბანი | |
სერგეი მიხეილიშ სქი ეიზენშტეინი (რუს. Сергей Михайлович Эйзенштейн; ლატ. Sergejs Eizenšteins; დ. 23 ღურთუთა, 1898, რიგა, ლატვია ― ღ. 11 ფურთუთა, 1948, მოსკოვი) — რევოლიუციური სხუნუეფიშ თეატრალური სცენური დიზაინერი, კინორეჟისორი დო კინო თეორეტიკოსი ჯოხოგოლაფირი მუში მუნჯი ფილმეფით „გოფიცუა“, „ჯაშთანამი პოტიომკინი“ დო „გჷმათუთა“, ნამუქჷთ გოთანჯჷ ორდოიანი დოკუმენტური ფილმიშ გოვითარაფაშ მალობა თიშით მონტაჟშა ინოვაციური მოხუჯეფიშ გოჭყაფაშ შედეგო.
ეიზენშტეინქ დებადჷ რიგას, ლატვია. მუამუში, მიხეილ ეიზენშტეინი, ურიულ წჷმოულობაშ გერმანალი ინჟინერი რდჷ; ნანა, ჯულია, რუსი ჸუნდჷ. გათუ რიგაშ რეალური ოგურაფუ, უკული გურაფულენდჷ პეტროგრადიშ ომენოღალე ინჟინერეფიშ ინსტიტუტის, პრაქტიკა მუკორთჷ სახენწჷფო უმაღალაშ სარეჟისორო სახელუანოეფს (ГВЫРМ); რჷ თეატრიშ „პროლეტკულტურა“ რეჟისორი; ედომუშამო რუსეთიშ კინოსარეჟისორო ინსტიტუტიშ (ВГИК) პროფესორი; კინოშ თეორიას ფუნდამენტალურ ნახანდეფიშ ავტორი.