დინორეშა გინულა

სექსოლოგია

ვიკიპედიაშე
სექსოლოგიაშ ლოგო
სტატიეფ თემატიკაშე
სექსუალურ ორიენტაცია
ბინარულ კლასიფიკაცია
ასექსუალობა · ბისექსუალობა
ჰეტეროსექსუალობა · ჰომოსექსუალობა
ვაბინარულ დო შხვა კლასიფიკაციეფი
ანტისექსუალობა · აუტოსექსუალობა
დემისექსუალობა
კინსიშ სკალა · კლეინიშ რცხილი
მონოსექსუალობა · მულტისექსუალობა
პოლისექსუალობა · პანსექსუალობა
სექსოლოგია · ქვიარი
თემატურო მერსხილ სტატიეფი
ადამიერიშ სექსუალობა ·
სექსუალურ მუშიდენტიფიკაცია
ბინარულ გენდერულ სისტემა · ეგოდისტონურ ორიენტაცია
რომანტიულ ორიენტაცია · ბიოლოგია დო სექსუალურ ორიენტაცია
სექსუალურ ორიენტაციაშ სტატისტიკა
სიტუაციურ სექსუალურ რჯება
ჩხოლარეფიშ ვარეპროდუქციულ სექსუალურ რჯება
ჩხოლარეფიშ სექსუალურ რჯება (ერკებული)
პარაფილია · ზოოფილია

ძ • ს • რ

სექსოლოგია (ლათ: sexus — სექსი; ბერძენ.: λόγος — დოგურაფა) — ადამიერიშ სექსუალობაშ მენცარულ დოგურაფა, ნამუთ იკათუანს ადამიერიშ სექსუალურ ინტერესეფს, რჯებეფს დო ფუნქციეფს.[1] ტერმინი სექსოლოგია ზოგადო ვაწაწჷ სექსუალობაშ ვამენცარულ დოგურაფას, მუნერით რე სოციალურ კრიტიკა.[2][3]

სექსოლოგეფ გჷმირინუანა მუსხირენ აკადემიურ სფეროშ ხეჭკუდეფს, მუნერით რე ანთროპოლოგია, ბიოლოგია, მედიცინა, ფსიქოლოგია, ეპიდემიოლოგია, სოციოლოგია დო კრიმინოლოგია.[4][5] დოგურაფაშ თემეფ იკათუანს სექსუალურ წუმოძინას (სქესობურ მოძოკება), სექსუალურ ორიენტაციას, გენდერულ იდენტობას, სექსუალურ ურთიართობეფს, სექსუალურ აქტივობეფს, პარაფილიეფს დო ატიპურ სექსუალურ ინტერესეფს. თინა თაშნეშე იკათუანს სექსუალობაშ დოგურაფას თელარაშ განწეხას, ნამუთ იკათუანს ბაღანეფიშ სექსუალობას, სექსობურ მოძოკებას, მარდუეფიშ სექსუალობას დო სექსუალობას ხანერეფს შქას. სექსოლოგიაშ სფერო თაშნეშე იკათუანს სექსუალობაშ დოგურაფას ფსიქიკურ ვარ-და ფიზიკურ გოხურგელ შილებუანობაშ მოღვენი პიჯეფს შქას. სექსუალურ დისფუნქციეფი დო აკორცუაფეფი, თინეფს შქას ერექციულ დისფუნქცია დო ანორგაზმია სექსოლოგიურ დოგურაფაშ თაშნეშე თარ გემაჸვენჯობეფ რე.

ისტორია

[რედაქტირაფა | წყუშ რედაქტირაფა]

ორდოიან ბორჯი

[რედაქტირაფა | წყუშ რედაქტირაფა]

სექსუალურ ინსტრუქციეფ ოშწანურეფიშ გოძვენას რდჷ, მუნერით რე ოვიდიუსიშ „ჸოროფაშ ხელუანობა“ (ლათ. Ars Amatoria), ვაციაიანაშ „კამასუტრა“, „ანანგა რანგა“ დო „საშურა ბაღი შურიშ სახიოლეთ“. 1830-იან წანეფიშ დაჭყაფუშ გჷმორკვიება პარიზის რეგისტრირაფილ 3,558 პროსტიტუციათ დაკებულ ადამიერიშ გეშა — ფრანგ. De la prostitution dans la ville de Paris („პროსტიტუცია ნოღა პარიზის“), ნამუთ ალექსანდრე ჟან ბატისტ პარენ-დიუშატელქ ჭარჷ (გჷმიბჟინუ 1837 წანას, თიშ ღურაშე ართ წანაშ უკული), თეხანურ სექსოლოგიურ რკვიებაშ პირველ ნახანდო იკოროცხჷ.[2] ინგლისის ჯეიმს გრემი რდჷ ორდოიან სექსოლოგი, ნამუთ ლექციეფს კითხულენდჷ თიცალ თემეფშე, მუნერით რე სექსიშ პროცეს დო ინოსახება.[6]

ადამიერიშ სექსუალურ რჯებაშ მენცარულ დოგურაფაქ XIX ოშწანურას ქიდიჭყჷ ჰაინრიხ კაანწკჷმა ართო, ნამუსჷთ კჷრიბის „Psychopathia Sexualis“ (1844) მიშელ ფუკო თეშნერო ეჭარუნს: „ფსიქიატრიულ სფეროს სექსუალობაშ დო სექსუალურ აბერაციეფიშ (გინორთაშ) დაბადებაშ თარიღი, ვარ-და ნამდგა შვანს, თინეფიშ გჷშარჩქინაშ თარიღი“.[7] ტერმინ სექსოლოგია პირველაშე ააშ-ს ელისაბედ ოსგუდ გუდრიჩ უილარდიქ გიმიგონჷ 1867 წანას.[8] დოხოლაფირო თე ბორჯის, ჰომოფილ აქტივისტეფიშ ბუნა, ნამუთ დიო ხოლო ვეჩინებულენდეს მუნეფიშ დუდს სექსოლოგეფო, რეაგირენდჷ ევროპაშ სახენწჷფო ხურგეფიშ თირუაშა — კრიზისი, ნამუქჷთ გჷმიჭანუ კონფლიქტ სექსუალურო ლიბერალურ კანონეფს დო თი კანონეფს შქას, ნამუეფჷთ კრიმინალო კოროცხუნდეს თიჯგურა რჯებეფს, მუჭომით რდჷ ჰომოსექსუალურ ურთიართობეფი.

ვიქტორიანულ ეპოქაშე მაჟირა მოსოფელიშ ლჷმაშახ

[რედაქტირაფა | წყუშ რედაქტირაფა]
ჰევლოკ ელისი, სექსუალურ ემანსიპაციაშ ყარაფიშ პიონერ XIX ოშწანურაშ დათებუს

ვიქტორიანულ ეპოქას სექსუალურ რეპრესიეფიშ უთარაშ სოციალურ გენწყუალაშ უმკუჯინუო, სექსუალურ ემანსიპაციაშ ყარაფიქ XIX ოშწანურაშ დათებუს ინგლისის დო გერმანიას დიჭყჷ. 1886 წანას, რიხარდ ფრაიჰერ ფონ კრაფტ-ებინგიქ გჷშაშქჷ Psychopathia Sexualis. თე ნახანდ იკოროცხჷ სექსოლოგიაშ, მუჭოთ მენცარულ დისციპლინაშ, დჷმარსხუაფალო.[9]

ინგლისის სექსოლოგიაშ მუმა-დუმარსხუაფალ რდჷ ექიმ დო სექსოლოგ ჰევლოკ ელისი, ნამუქჷთ აწუდირთჷ მუშ ეპოქაშ სექსუალურ ტაბუეფს მასტურბაციაშ დო ჰომოსექსუალობაშ გეშა დო რევოლუცია მანწყჷ სექსიშ სმებას. თიშ უთარაშ ნახანდ რდჷ 1897 წანაშ Sexual Inversion („სექსუალურ ინვერსია“), ნამუთ ეჭარუნს ჰომოსექსუალ ქომოლკოჩეფიშ, თინეფს შქას ქომოლკოჩეფიშ დო ბაღანეფიშ სექსუალურ ურთიართობეფს. ელისიქ ჭარჷ ჰომოსექსუალობაშ (ტერმინ გიმიგონჷ კარლ-მარია კერტბენიქ) პირველ ობიექტურ რკვიება, რახან თინა თეს ვაახასიათენდჷ მუჭოთ ლახარას, უზნობას ვარ-და დჷნოშებუს. ნახანდ ოშქვანსს, ნამჷ-და ართსქესიამ ჸოროფა გინმუს ასაკობურ დო გენდერულ ტაბუეფშე. თიშ 21 მონახვამილეფშე შქვით გამნარყეფოშქაშე ურთიართობეფს ოწაწჷ. თიქ თაშნეშე წუმუძინჷ შხვა შანულამ ფსიქოლოგიურ კონცეფციეფი, მუნერით რე ავტოეროტიზმი დო ნარცისიზმი, ნამუეფჷთ მოგვიანეთ ზიგმუნდ ფროიდიქ ხოლო უმოსო წუმუძინჷ.[10]

ელისიქ გერმანალ მაგნუს ჰირშფელდიწკჷმა ართო ტრანსგენდერულ ყარაფიშ პიონერ გჷნირთუ. თიქ თინა ქჷდარსხუ მუჭოთ ახალ კატეგორია, ნამუთ ზოხო რდჷ დო გინორთელ ჰომოსექსუალობაშე.[11] ჰირშფელდიშ ტრანსვესტიზმიშ რკვიებეფიშ გეშა ინფორმირაფილ ელისიქ, მორო თიშ ტერმინოლოგიას ვალამოსილქ, 1913 წანას მუწარზიუ ტერმინ sexo-aesthetic inversion („სექსო-ესთეტიკურ ინვერსია“) თე ფენომენიშ ეიოჭარალო.[12][13]

1908 წანას ქიდიჭყჷ თე სფეროშ პირველი ომენცარე ჟურნალიშ, „სექსოლოგიაშ ჟურნალი“ (Zeitschrift für Sexualwissenschaft), გჷმობჟინაფაქ დო იბჟინუაფუდჷ ირთუთას ართ წანაშ განწეხას. ჟურნალიშ ნომერეფ იკათუანთეს ფროიდიშ, ალფრედ ადლერიშ დო ვილჰელმ შტეკელიშ სტატიეფი.[3] 1913 წანას დირსხუ პირველ აკადემიურ ასოციაციაქ: „სექსოლოგიაშ ჯარალუა“.[14]

ფროიდიქ წუმუძინჷ სექსუალობაშ თეორიას. თე ფსიქოსექსუალურ წუმოძინაშშ ეტაპეფ იკათუანს: ორალურ, ანალურ, ფალურ, ლატენტურ დო გენიტალურ სტადიეფს. თე ეტაპეფი ჩქჷჩქობაშე სქესობურ მოძოკებაშახ დო უკულიან პერიოდის იკათუანს.[15] თე რკვიებეფ მუშ კლიენტეფშე ეჭოფილ მუნაჩემეფს გერსხუდჷ XIX ოშწანურაშ დათებუს დო XX ოშწანურაშ დაჭყაფუს. ვილჰელმ რაიხი დო ოტო გროსი ფროიდიშ მორწაფეეფი რდეს, მარა ივარუეს თიშ თეორიეფი, რახან თინეფ აქცენტის აკეთენდეს სექსუალობაშ როლშა ადამიერეფიშ ემანსიპაციაშო რევოლუციურ ბურჯაფის.

ნაცისტეფქ ბერლინს დოჭვეს ჰირშფელდიშ კჷრიბეფი, მუჭოთ „ანტი-გერმანული“

ნაცისტეფშახიან გერმანია, სექსუალურო ლიბერალურ ნაპოლეონიშ კოდექსიშ პიჯალეფს, ორგანიზებას უკეთენდჷ დო აწუმდირთუდჷ ანტი-სექსუალურ, ვიქტორიანულ კულტურულ გაულეფს. თე ბუნეფიშ ენერგიაქ ხე შეუწყუ სექსოლოგიურ რკვიებეფიშ კოორდინაციას ტრადიციულ აკადემიური დისციპლინეფს შქას, ნამუქჷთ გერმანია სექსოლოგიაშ ლიდერო გინაშქუ. ექიმ მაგნუს ჰირშფელდი სექსუალურ უჭიჭაშობეფიშ აქტიურ მათხილე რდჷ დო თიქ ქჷდარსხუ მენცარულ-ჰუმანიტარულ კომიტეტი, პირველ ორგანიზაცია ჰომოსექსუალეფიშ დო ტრანსგენდერეფიშ ნებეფიშ ოთხილარო.[16]

ჰირშფელდიქ თაშნეშე ქჷდარსხუ პირველ Institut für Sexualwissenschaft (სექსოლოგიაშ ინსტიტუტი) ბერლინს 1919 წანას.[17] თიშ ბიბლიოთეკას რდჷ 20,000-შე უმოს ტომი, 35,000 ფოტო, ხელუანებაშ მინუშეფიშ დო შხვა ობიექტეფიშ ქვერსემ კოლექცია. კათა ედომუშამ ევროპაშე მიშჷ ინსტიტუტშა, ანდანე უჯგუშო ქუგეგებუდესკო მუნეფიშ სექსუალობა დო ქემუღებუდესკონ კონსულტაცია სექსუალურ პრობლემეფიშ დო დისფუნქციეფიშ გეშა.

ჰირშფელდიქ წუმუძინჷ სისტემას, ნამუთ აიდენტიფიცირენდჷ მუსხირენ რეალურ ვარ-და ჰიპოთეტურ სექსუალურ შქაფონ ტიპის ჰეტეროსექსუალ ქომოლკოჩიშ დო ოსურს შქას, ანდანე ქოუძირაფუდუკო ადამიერიშ სექსუალობაშ პოტენციურ ანდაკორობუანობან. თის მიაჭარუ თი ადამიერეფიშ ბუნაშ იდენტიფიკაცია, ნამუეფსჷთ ამდღა ტრანსსექსუალეფს ვარ-და ტრანსგენდერეფს უძახჷნა, მუჭოთ ჰომოსექსუალობაშე გინორთელ კატეგორიას; თინა თე ადამიერეფს transvestiten (ტრანსვესტიტეფს) უძახუდჷ.[18][19] გერმანიაშ დომინირაფაქ სექსუალურ რჯებაშ რკვიებას ნაცისტური რეჟიმიშ მოულაწკჷმა ართო გეთუ.[2] ნაცისტეფქ ინსტიტუტ დო თიშ ბიბლიოთეკა მოჯალაგეს 1933 წანაშ 8 მესის, ხეშუფლებაშა მოულაშე სუმ თუთაშე კუნტა ხანშა.[3] ინსტიტუტ დოკილეს დო ჰირშფელდიშ კჷრიბეფ დოჭვეს.

ორდოიან გეი ნებეფიშ ყარაფის შხვა სექსოლოგეფს შქას რდეს ერნსტ ბურხარდი დო ბენედიქტ ფრიდლენდერი. ერნსტ გრეფენბერგიქ, ნამუშ პატიოცემელო ხოლო G-ჭურჭულს ქიგიადჷ ჯოხოქ, გჷმაბჟინჷ პირველ რკვიება სასქუოშ მონწყილობაშ (IUD) წუმოძინაშ გეშა.

მაჟირა მოსოფელიშ ლჷმაშ უკულიან ბორჯი

[რედაქტირაფა | წყუშ რედაქტირაფა]

მაჟირა მოსოფელიშ ლჷმაშ უკული, სექსოლოგიაქ რენესანს გიმოცადჷ მუჭოთ ააშ-ს, თეშ ევროპასჷთ. სექსუალურ რჯებაშ, სექსუალურ ფუნქციაშ დო სექსუალურ დისფუნქციაშ ფართომასშტაბამ რკვიებეფქ ოსხირ გუჭყჷ სექს-თერაპიაშ წუმოძინას.[3] ლჷმაშ გეჸვენჯ ბორჯიშ ამერიკულ სექსოლოგიაშა ქვერსემ გაულა იღვენუ ნაცისტურ რეჟიმშე ნტებულ ევროპალ ლტოლვილეფიშ მულაქ დო კინსიშ ანგარიშეფიშ პოპულარობაქ. თიმ ბორჯიშა, ამერიკულ სექსოლოგია უთარაშო აკმოდირთუდჷ თი ბუნეფშე, ნამუეფჷთ პროსტიტუციაშ ეშახინტკუას დო ახალნორდობაშ სქესობურ რზათ გინმადვალუ ინფექციეფიშ გეშა გონათუაშო მუშენდესჷნ.[2]

ალფრედ კინსიქ 1947 წანას ქჷდარსხუ სექსუალურ რკვიებეფიშ ინსტიტუტი ინდიანაშ უნივერსიტეტის, ბლუმინგტონს. ამდღა თეს კინსიშ სექსიშ, გენდერიშ დო რეპროდუქციაშ რკვიებაშ ინსტიტუტ ჯოხო. თიქ 1948 წანას გჷმნაბჟინა კჷრიბის ჭარჷ, ნამჷ-და მენცარულ თოლწონუათ ფერმაშ ჩხოლარეფიშ სექსუალურ რჯებაშენ უმოს რდჷ ჩინებული, ვინდარო ადამიერეფშენ.[20]

ფსიქოლოგ დო სექსოლოგ ჯონ მანი 1950-იან წანეფს აკმამუშენდჷ თეორიეფს სექსუალურ იდენტობაშ დო გენდერულ იდენტობაშ გეშა. თიშ ნახანდი, გიშაკერზაფილო დევიდ რაიმერიშ მუნახვამილა, მოგვიანეთ ონირზებელ ოკითხირეთ გინირთჷ, მორო თე შვანს კაბეტ შანულობა უღუდჷ ინტერსექს ჩქჷჩქუეფიშ დო ბაღანეფიშ სქილადაშ პროტოკოლეფიშ წუმოძინაშო.[21][22]

კურტ ფროინდიქ 1950-იან წანეფს ჩეხოსლოვაკიას წუმუძინჷ პენისიშ პლეტიზმოგრაფი. თე მონწყილობა გიმიგონეს ქომოლკოჩეფს სექსუალურ ეფურაფაშ ობიექტურ ოზჷმალო დო ამდღა თინა გიმირინუაფუ პედოფილიაშ დო ჰებეფილიაშ ფასებაშო. თე ინსტრუმენტ თაშნეშე გიმირინუაფუ სექსუალურ დჷნოშებუშ მაქიმინჯე პიჯეფწკჷმა მუშობაშ ბორჯის.[23][24]

1966 დო 1970 წანეფს, მასტერსიშ დო ჯონსონიშ ჭკობაქ გჷშაშქუ ნახანდეფი: „ადამიერიშ სექსუალუ რეაქცია“ (Human Sexual Response) დო „ადამიერიშ სექსუალურ უგუმართუობა“ (Human Sexual Inadequacy). თე ტომეფქ ძალამ ჯგირო გიმიჩინჷ დო თინეფქ 1978 წანას ქჷდარსხუეს თიჯგურა ორგანიზაცია, ნამუთ მასტერსიშ დო ჯონსონიშ ინსტიტუტიშ ჯოხოთ რე ჩინებული.

ვერნ ბალოუ რდჷ თე ეპოქაშ სექსოლოგიაშ ისტორიკოს დო თე სფეროშ აქტიურ მარკვიებელი.[25]

1980-იან წანეფს HIV/AIDS-იშ გჷმორჩქინაქ დრამატულო დოთირუ სექსოლოგიურ რკვიებეფ — თარ ნძალეფქ ლახარაშ მოდვალაშ მექანიზმეფიშ სმებაშა დო კონტროლშა გეგნორთჷ.[26][27]

XXI ოშწანურა

[რედაქტირაფა | წყუშ რედაქტირაფა]

ტექნოლოგიურ პროგრესიქ შელებუანო გინაშქჷ სექსოლოგიურ ოკითხირეფიშ დოგურაფა რჯებაშურ გენეტიკაშ,[28] ნეიროვიზუალიზაციაშ (neuroimaging)[29] დო ფართომასშტაბამ ინტერნეტ-გჷმოკითხირეფიშ მეშქაშალათ.[30]

სექსოლოგია კანკალე იურისდიქციას რეგულირებაფონ პროფესია რე. კვებეკის სექსოლოგეფ უციოთ ოკო რდან კვებეკიშ სექსოლოგეფიშ პროფესიულ ორდენიშ (Ordre professionnel des sexologues du Québec) მაკათურეფი. თინეფ წჷმარინუანა ართ-ართ პროფესიას, ნამუეფსჷთ უღჷნა ნება ქიმიღან ფსიქოთერაპიაშ ოჸია კვებეკიშ ფსიქოლოგეფიშ ორდენშე.[31]

გიშარჩქინელ მოღალეეფი

[რედაქტირაფა | წყუშ რედაქტირაფა]
ქოძირით თაშნეშე: კატეგორია:სექსოლოგეფი

თენა რე სექსოლოგეფიშ დო სექსოლოგიაშ სფეროშა შანულამ თიაშ მიშმაღალარ ადამიერეფიშ ერკებული, დაბადებაშ წანაშ მეჯინათ:

რესურსეფ ინტერნეტის

[რედაქტირაფა | წყუშ რედაქტირაფა]

სქოლიო

[რედაქტირაფა | წყუშ რედაქტირაფა]
  1. ↑ Sexology. Merriam Webster. კითხირიშ თარიღი: December 29, 2013.
  2. 1 2 3 4 Bullough, V. L. (1989). The society for the scientific study of sex: A brief history. Mt. Vernon, Iowa: The Foundation for the Scientific Study of Sexuality.
  3. 1 2 3 4 Haeberle, E. J. (1983). The birth of sexology: A brief history in documents. World Association for Sexology.
  4. ↑ (20 April 2015) "Anthropology and sexology", The International Encyclopedia of Human Sexuality, 1–111 ხს.. DOI:10.1002/9781118896877.wbiehs033. ISBN 9781118896877. 
  5. ↑ Sexology | interdisciplinary science (en). კითხირიშ თარიღი: 2020-07-30.
  6. ↑ Porter, R. (1989). Health for Sale: Quackery in England, 1660-1850. Manchester University Press, ხს. 49. ISBN 978-0-7190-1903-6. 
  7. ↑ Michel Foucault, Abnormal: Lectures at the  Collège de France, 1974-195 (Picador, 2003)
  8. ↑ Benjamin Kahan, "The unexpected American Origins of Sexology and Sexual science: Elizabeth Osgood Goodrich Willard, Orson Squire Fowler, and the Scientification of Sex History of Human Sciences 34.1 (2020): 71-88
  9. ↑ Hoenig, J. (1977). Dramatis personae: Selected biographical sketches of 19th century pioneers in sexology. In J. Money and H. Musaph (Eds.), Handbook of Sexology, (pp. 21-43). Elsevier/North-Holland Biomedical Press.
  10. ↑ (1988) The Language of Psycho-analysis. Karnac Books, ხს. 45. ISBN 9780946439492. 
  11. ↑ Ekins, Richard and King, Dave (2006) The transgender phenomenon, SAGE, ISBN 0-7619-7163-7, pp. 61-64
  12. ↑ Ellis, Albert (2008). Psychology of Sex. Read Books. ISBN 9781443735322. 
  13. ↑ Jackson, Margaret (1994). The Real Facts Of Life: Feminism And The Politics Of Sexuality C1850-1940. Taylor & Francis. ISBN 9780203992395. 
  14. ↑ Kewenig, W. A. (1983). Foreword. In E. J. Haeberle, The birth of sexology: A brief history in documents. World Association for Sexology. p. 3
  15. ↑ (2005-02-08) Three Contributions to the Theory of Sex by Sigmund Freud - Free Ebook. gutenberg.org. 
  16. ↑ Goltz, Dustin (2008). Lesbian, gay, bisexual, transgender, and queer movements. In A. Lind & S. Brzuzy (Eds.), Battleground: Women, gender, and sexuality, 2, 291. Greenwood Publishing Group, ISBN 978-0-313-34039-0
  17. ↑ (2024) „A brief history of sexology and lessons learned“. The Journal of Sexual Medicine 21 (10): ხს. 835–838. DOI:10.1093/jsxmed/qdae081. PMID 39350660. 
  18. ↑ Hirschfeld, Magnus (1910), Die Transvestiten. Eine Untersuchung über den erotischen Verkleidungstrieb. Mit umfangreichen casuistischen und исторических, Leipzig: Verlag von Max Spohr (Ferd. Spohr)
  19. ↑ Hirschfeld, Magnus (1920), Homosexualitat des Mannes und des Weibes, Berlin
  20. ↑ (1948) Sexual behavior in the human male. New York and Philadelphia: W.B. Saunders, ხს. 3. OCLC 705195970. 
  21. ↑ (March 1997) „Sex reassignment at birth: long-term review and clinical implications“. Archives of Pediatrics & Adolescent Medicine 151 (3): ხს. 298–304. DOI:10.1001/archpedi.1997.02170400084015. PMID 9080940. 
  22. ↑ Diamond, Milton (July 2004). „Sex, gender, and identity over the years: a changing perspective“. Child and Adolescent Psychiatric Clinics of North America 13 (3): ხს. 591–607, viii. DOI:10.1016/j.chc.2004.02.008. PMID 15183375. 
  23. ↑ “Kurt Freund, 82, notable sexologist“, October 26, 1996. 
  24. ↑ Kuban, Michael (Summer 2004). „Sexual Science Mentor: Dr. Kurt Freund“. Sexual Science 45 (2). 
  25. ↑ Dr. Vern L. Bullough: Profile. კითხირიშ თარიღი: July 25, 2015.
  26. ↑ Gagnon, John H. (December 1988). „Sex research and sexual conduct in the era of AIDS“. Journal of Acquired Immune Deficiency Syndromes 1 (6): ხს. 593–601. PMID 3225745. 
  27. ↑ Oriel, Jennifer (September 2005). „Sexual pleasure as a human right: Harmful or helpful to women in the context of HIV/AIDS?“. Women's Studies International Forum 28 (5): ხს. 392–404. DOI:10.1016/j.wsif.2005.05.002.  Pdf.
  28. ↑ Mustanski, B.S. (2015). „Genome-wide scan demonstrates significant linkage for male sexual orientation“. Psychological Medicine 45 (7): ხს. 1379–88. DOI:10.1017/S0033291714002451. PMID 25399360. 
  29. ↑ (2005) „Dynamics of male sexual arousal: Distinct components of brain activation revealed by fMRI“. NeuroImage 26 (4): ხს. 1086–96. DOI:10.1016/j.neuroimage.2005.03.025. PMID 15961048. 
  30. ↑ Lippa, R. (2007). „Guest Editor's Introduction to the BBC Special Section“. Archives of Sexual Behavior 36 (2). DOI:10.1007/s10508-006-9150-3. 
  31. ↑ Le sexologue. კითხირიშ თარიღი: 2 November 2020.
  32. ↑ Foucault, Michel. The History of Sexuality Vol. 1: The Will to Knowledge. London: Penguin (1976/1998)
  33. ↑ Humboldt-Universität, Berlin. Magnus Hirschfeld Archive for Sexology. Retrieved on November 23, 2007.
  34. ↑ (2004) Irregular Connections: A History of Anthropology and Sexuality. University of Nebraska Press, ხს. 60. ISBN 9780803204379. 
  35. ↑ Malinowski, Bronislaw (1929) The Sexual Life of Savages in North-Western Melanesia. Kessinger Publishing. ISBN 1417904771
  36. ↑ McMurry University, Texas Retrieved on July 02, 2009.
  37. ↑ "Dr. Vern L Bullough Distinguished Professor Natural and Social Sciences" Archived 2014-05-20 ვებ-ხასჷლას Wayback Machine. Retrieved on November 23, 2007.
გორილი რე "https://xmf.wikipedia.org/w/index.php?title=სექსოლოგია&oldid=249651"-შე