სვეტლანა ტიხანოვსკაია

სვეტლანა ტიხანოვსკაია ბელ. Святлана Георгіеўна Ціханоўская
დაბ. თარიღი	11 ეკენია, 1982 (1982-09-11)
დაბ. აბანი	მიკაშევიჩი, ბელორუსიშ სსრ
გონათუა	შამიაკინიშ ჯოხოდვალაშ მოზირიშ სახენწჷფო პედაგოგიური უნივერსიტეტი
ერუანობა	ბელარუსი
საქვარუა	პოლიტიკა
ალმასქუ/ეფი	სერგეი ტიხანოვსკი
ჯილდოეფი	სახაროვიშ პრემია

სვეტლანა გიორგიშ ცირა ტიხანოვსკაია (ცირასქუალას პილიპჩუკი; ბელარ. Святлана Георгіеўна Ціханоўская; დ. 11 ეკენია 1982, ნ. მიკაშევიჩი, ლუნინეციშ რაიონი, ბრესტიშ ოლქი, ბელარუსიშ სსრ, სსრრ) — ბელარუსი პოლიტიკური მოღალე, ბელარუსიშ პრეზიდენტალაშ კანდიდატი 2020 წანაშ გიშაგორუეფს. გიშაგორუეფიშ შედეგეფიშ ოფიციალური გაცხადებაშ მეჯინათ, სვეტლანა ტიხანოვსკაიაქ 10%-შე უმოსი გიშმაგორალქეფიშ ხონარი უღუ, ნამუშჷთ მაჟირა აბანშა გეგშართჷ. ბელარუსიშ მიარე მენოღალეშ არზით, კალიშრღვაფაშ შედეგეფი მასობურო რდჷ ფალსიფიცირაფილი, სინანდულეს სვეტლანა ტიხანოვსკაიაქ ხონარეფიშ უმენტაშობა მიღჷ დო ქიანაშ გიშაგორილი პრეზიდენტო იკოროცხუდას-ოკო. გიშაგორუეფიშ ოფიციალური შედეგეფიშ გოცხადაფაშ უკული ბელარუსის ოპროტესტე აქციეფქ ქჷდიჭყჷ. სვეტლანა ტიხანოვსკაიაქ ვედიჯერჷ ცოკ-იშ შედეგეფიშ გოცხადაფა, დო გჷმაცხადჷ ალექსანდრე ლუკაშენკოშით ხეშუულობაშ უზურპაცია დო თიშ სააწმარენჯოთ ობურჯაფეთ მოუჭანჷ.

რესურსეფი ინტერნეტის

•  ვიდეო
• სვეტლანა ტიხანოვსკაიაშ Facebook ხასჷლა