სკანდერბეგი

	კასტრიოტიშ დინასტიაშ გერბი; სკანდერბეგი;
	გეორგ კასტრიოტი
	სკანდერბეგიშ პორტრეტ 1466 წანას, სკანდერბეგიშ დოხორეს, რომი, იტალია
	ალბანეთიშ თარი; ლათ. Dominus Albaniae
დუდალ. დაჭყაფუ:	28 გერგობათუთა, 1443
დუდალ. დათებუ:	17 ღურთუთა, 1468
კორონაცია:	2 მელახი, 1444 (გეორგ არიანიტიშ მონძალათ)
წიმოხონი:	გიონ კასტრიოტი
მონძე:	გიონ II კასტრიოტი
დაბ. თარიღი:	დოხოლ. 1405 წანას
დაბ. აბანი:	შილებე სინა, კასტრიოტიშ სათარო
ღურ. თარიღი:	17 ღურთუთა, 1468 (62 წანერი)
ღურ. აბანი:	ალესიო, ვენეციაშ ალბანეთი (თეხანურ ლეჟა, ალბანეთი)
ალმასქუ:	დონიკა არიანიტი
სქუალეფი:	გიონ II კასტრიოტი
ედომუშამი ჯოხო:	კასტრიოტიშ სათაროშ თარი, ლეჟაშ ლიგაშ; თარსარდალი
დინასტია:	კასტრიოტეფი
მუმა:	გიონ კასტრიოტი
ნანა:	ვოისავა ტრიპალდა
რელიგია:	მართმადიდებელობა (1405–1423); ისლამი (1423–1443); ბჟაეიოლიშ კათოლიციზმი (1443–1468)
ხეშმოჭარუა:

გეორგ კასტრიოტი, ფართოთ ჩინებულ მუჭოთ სკანდერბეგი (დ. 6 მესი, 1405, დიბრა — ღ. 17 ღურთუთა, 1468, ლეჟა) — ალბანეთიშ თარი. ალბანეთიშ ერუანულ გერგეზი.

ბიოგრაფია

გეორგ კასტრიოტ ბაღანობას ოსმალეთიშ სულთან მურად II-შ ჭკორ რდჷ. მიოღებაფეს ისლამ დო ჩარიცხეს ოსმალეფიშ ლესქერს. მუჭოთ ჭკვერ ცხენენჯმადუდექ, ბეიშ ტიტულ მიღჷ დო ალექსანდრე მაკედონარიშ ჯოხო ისკანდერ-ბეი გიოდვეს. ირო უღუდჷ რსხუ ალბანარ პატრიოტეფწკჷმა. 1443 წანას, ბალკანეთის ოსმალურ არმიაშ აკოდგინალუს კათაფაშ ბორჯის, მიხუჯჷ რტინა წორომოარზეეფწკჷმა ართო დო ოსმალეფიშ მეხჷ ბურჯაფის ქეგუდირთჷ დუდო. ისკანდერ-ბეიქ გეგნორაჸჷ ოსმალურ გარნიზონეფ ალბანეთშე. 24 წანაშ ხანს, ღურაშახ თინა წჷმოძინელო დითმითხინუანდჷ თურქეფიშ მინოკათუეფს. თიშ ღურაშ უკულ ჟინოთეფს შქას უმუხუჯალაქ ჸოინიერო დასუსტჷ ალბანეთი. თეშ უმკუჯინალო, სულთანს ხოლო 11 წანაქ აჸუ ოხვილურქ ალბანეთიშ დაჸუნაფალო.

შვენა

1953 წანას, სხუნუეფიშ რსხუს გინიღეს ფილმ ალბანეთიშ კაბეტ მელიმორ სკანდერბეგი (ალბ. Skënderbeu, რუს. Великий воин Албании Скандербег), ნამუქჷთ 1954 წანაშ კანიშ კინოფესტივალს სპეციალურ პრიზ მიღჷ. ფილმს სკანდერბეგიშ როლს აკაკი ხორავა არსულენდჷ.

ლიტერატურა

კოტე ანთაძე, ლალი ფირცხალავა, შუა საუკუნეების ისტორია, გამომცემლობა „კონა“ თბ., 2003