სულთანაჰმედი (მოედანი)

ვიკიპედიაშე
ზიტყვას „სულთანაჰმედი“ უღჷ შხვა შანულობეფი ხოლო, ქოძირით სულთანაჰმედი (მიარეშანულამი).

კოორდინატეფი:41°00′25″ ოორ. გ. 28°58′41″ ელ. გ. / 

იპოდრომი: კოლოსი (წოხოლენი მიოჯინით) დო ეგვიპტური ობელისკი (მორძგვიშე)
ეგვიპტური ობელისკი
გვერიშ კოლონა
კონსტანტინეშ ობელისკი
გერმანული შადრევანი

სუთანაჰმედიშ მოედანი (აჰმედიე, იპოდრომი; თურქ. Sultanahmet Meydanı) — სტამბოლიშ თარი მოედანი, ნამუთ იდვალუაფუ ფათიჰიშ რაიონს, სულთანაჰმედიშ მიკრორაიონიშ ისტორიულ ცენტრის. მოედანი ჟირ ნორთშე აკმოდირთუ: მოედანი აია-სოფიაშ დო ლენი მეჩეთიშ შქას, დო იპოდრომიშ მოედანი (თურქ. At Meydanı), სოდეთ ჩქინ ხანშახ დითხილუ კოლონეფქ დო ობელისკეფქ, ნამუთ ბიზანტიური პერიოდიშ დჷნადგჷმა რე დო გერმანული შადრევანი, ნამუთ ნოღას დო სულთან აბდულ-ჰამიდ II-ს აჩუქჷ კაიზერ ვილჰემი II-აქ. მოედანს ჯოხოქ გიადჷ სულთან აჰმედიშ მეჩეთიშ (ლენი მეჩეთი) ჯოხოშ გეშა, ნამუთ თექ იდვალუაფუ.

რესურსეფი ინტერნეტის[რედაქტირაფა | წყუშ რედაქტირაფა]