ტრეისი ჩეპმენი

ვიკიპედიაშე
ტრეისი ჩეპმენი

ტრეისი ჩეპმენი (Tracy Chapman) (დ. 30 მელახი, 1964) — ამერიკალი მობირე, ბირეფიშ ავტორი, ჩინებულიე ბირეფით "Fast Car" (ნჭაფიერი მანქანა), "Talkin' Bout a Revolution" (ჩიება რევოლუციაშენ) დო "Give Me One Reason" (ქომუჩი ართი ბაძაძი).

ებადჷ კლივლენდის, ოჰაიო. გიტარაშ მეგამა დო ბირეფიშ ჭარუა ორდოულ ბაღანობას დიჭყჷ. ფონდი "ბეთერ ჩენს" მეშქაშალთ ეჭოფილი სტიპენდიათ კონექთიქუთიშ ვუსთერიშ სკოლას გურაფულენს და მოგვიანაფილო ტაფტიშ უნივერსიტეტის ენმირიცხუ, მედფორდის, მასაჩუსეთსი.

კარიერა[რედაქტირაფა | წყუშ რედაქტირაფა]

კოლეჯიშ პერიოდის ჩეფმენი შოშეშ მუსიკოსობას იჭყანს დო თე ბორჯისჷნე კემბრიჯიშ ყავახანეფს მითმიოგანს. გურაფაშ სურებაშ უკული SBK სტუდიაწკჷმა კონტრაქტის აფორმენს დო მაართა დისკის "Tracy Chapman" (1988) უტალენს. ალბომქ კრიტიკოსეფიშ მაღალი ფასება დეინალუ, მუდგაშ უკულით ტრეისი ტურეფშა გჷშმურს მუში ფანეფიშ მიკაჭოფალო. ნელსონ მანდელას 70 წანაშდუდიშა მეჯღუნილ კონცერტის 1988 წანას ნაბირა ბირაშ "Fast Car" უკული თინა ააშ-იშ ბილბორდეფს რჩქინდუ. თიში დისკეფი ნჭაფიერო გჷმიჩამუ დო მალას მულტი-პლატინაშ არტისტო გჷნირთჷ. კჷნე თე ალბომიშო თინა ოთხი გრემით იჯილდოვებუ.

თიშ გეჸვენჯი ალბომი "Crossroads" ("შარაშ აკართუწკჷმა", 1989) კომერციულო ნორკებო წჷმოძინელქ იჸუ. 1992 წანაშ "Matters of the Heart" (გურიშ ჭიროთი) ხვალე თიშ არძოშე ართგური ფანეფშო რდჷ ჩინებული. 1995 წანას ირკოჩიშო უნელო გჷშმურს ჩეფმენიშ ახალი ალბომი "New Beginning", სოდეთ თიში ჰიტიქ "Give Me One Reason" (ქომუჩი ართი ბაძაძი [ქჷდოფსქიდენ]) მიშართჷ, დო 1996 წანას გრემიშ ნომინაციას "უუჯგუშაში როკ-ბირა" იმორძვენს. 2000 წანაშ ალბომი "Telling Stories" უკვე უმოსო როკიშ ჟანრიშ რე ვინდარო ფოლკიშ. ალბომიშ კჷნე თე ჯოხოდვალაშ ჰიტიქ ევროპაშ რადიო სადგჷმეფიშ ფავორიტო გჷნირთჷ. თიში მაამშვა ალბომი რდჷ "Let It Rain" ("დოჭვემას", 2002), ნამუდგათ თინა ტურეფით ააშ-ს დო ევროპას შარალენს.

"Where You Live" (სოდეთ სი ოხორანქჷნ), ჩეფმენიშ მაშქვითა სტუდიო-ალბომქ 2005 წანაშ ეკენიას გჷშართ.

დისკოგრაფია[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]