ფემტომეტრი
ფემტომეტრი (სიმბოლო ფმ) — სიგინძაშ ართული რე ართულეფიშ საირქიანო სისტემას. ტერმინი ფემტომეტრი მოურს დანიური დო ნორვეგიული ზიტყვა femten-შე ('ვითოხუთი') დო ჯვეში ბერძენულიშე μέτρον, metrοn - 'ზიმუაშ ართული'. ფემტომეტრი უდრენს 10−15 მეტრას. ფემტომეტრის მინჩა ფერმი-ს ხოლო უძახჷნა.
დეფინიცია დო ექვივალენტეფი
[რედაქტირაფა | წყუშ რედაქტირაფა]1000000 ზეპტომეტრი = 1 ფემტომეტრი = 1 ფერმი = 0.000001 ნანომეტრი = 10−15 მეტრა
1000000000000 ფემტომეტრი = 1 მილიმეტრი
მაგალთო, პროტონიშ მუხტიშ რადიუსი დოხოლაფირო უდრენს 0.831 ფემტომეტრის, ორქოშ ატომიშ ბირთვიშ რადიუსი 8.45 ფემტომეტრი რე.
1 ბარნი = 100 ფმ²
ისტორია
[რედაქტირაფა | წყუშ რედაქტირაფა]ფემტომეტრი მიშეღჷ მავითაართა ზომაშ დო წონაშ გენერალურ კონფერენციაქ, 1964 წანას.
ტერმინი ფერმი მიშეღჷ ამერიკალი ფიზიკოსიქ რობერტ ჰოფშტადტერიქ, 1956 წანას, მუში ომენცარე სტატიას "ელექტრონეფიშ მოფაჩუა დო ბირთვული სტრუქტურა". ტერმინი ფერმი გიშარჩქინელი იტალიარი მენცარიშ ენრიკო ფერმიშ ჯოხონობაშ რე დო თინა ფშხირას გიმირინუაფჷ ბირთვული დო წილაკეფიშ ფიზიკაშ დარგეფს.