ფუთქურეფი
| ფუთქურეფი | ||||||
|---|---|---|---|---|---|---|
 |
||||||
| მენცარული კლასიფიკაცია | ||||||
|
||||||
| ლათინური ჯოხო | ||||||
| Musci Muscineae Bryophyta sensu stricto |
||||||
| კლასეფი | ||||||
| თხილუაშ სტატუსი | ||||||
|
ფუთქურეფი (ლათ. Musci, Bryophyta) — ავტოტროფი ორგანიზმეფი, უმაღალაში ჩანარეფიშ გჷმნართი, ნამუეფით აკოშაყარელი რენა ფუთქურეფიშნერეფიშ ჟიგიმნართშე. ფუთქურეფიშ რსხული აკმოდირთუ ძაფიშობური რსხულიშ პროტონემიშე (იდვალუაფუ დიხას ვარ-და თიშ ჟიპიჯის), ვერტიკალური ღერშე (სპირალურო დვალირი ფურცელეფით) დო ღერიშ ნერჩწკჷმა ჸოფური ჯინჯიშ მოგვენი რიზოიდეფშე.
რიზოიდეფი ოხვილურო ვაუნარღელჸენს ჩანარს წყარით დო ფუთქურეფს ვა უღუნა გოვითარაფილი მუკმაშქუმალარი ნორშვეფი, თინეფიშ სიგჷრძა 15-20 სმ-შე უმოსი რე. ფუთქურეფს მეჩქუ უსქესე დო სქესობური გამნარყეფიშ მოთირობა. ძინათებული ფუთქურეფიშ გამნარყის გამეტოფიტი ჯოხო.
თინა მუში გოვითარაფაშ ბოლო სტადიას ღერიშ კონკის იკეთენს დადული დო მუმული ოსქესე ორგანოეფს — არქეგონიუმს დო ანთერიდიუმს. ფუთქურეფშე არძაშე უმოსო შხირას აფხვადუნა კუკუშ სუ და ნოყაშ ფუთქურეფი.
