ქერჩიშ საროტი

ვიკიპედიაშე
ქერჩიშ საროტიშ ორენი

ქერჩიშ საროტი (რუს. Ке́рченский проли́в, უკრ. Керченська протока, ყირიმ.: Keriç boğazı), ჯვეში ბერძენეფიშით კიმერიაშ ბოსფორო ჯოხოდვალირი — საროტი ქერჩიშ ჩქონიშ დო ტამანიშ ჩქონიშ შქას, ნამუთ უჩა დო აზოვიშ ზუღეფს ართიანს მითმურსხუანს. საროტიშ ბჟადალი წყარპიჯი ყირიმიშ დორხველუას რე, ბჟაეიოლი — ტამანიშ ჩქონიშ. საროტიშ სიგჷრძა იძანძჷ 4,5 — 15 კმ. სიტომბა 18 მეტრას ვეგჷნოჩქ. წყარპიჯეფი აბან-აბანო დაბალი რე, კანკალე აბანს — ფლატუანი. ზოთონჯის ფორილი რე მოფაფე ჸინეფით. საროტიშ ბჟადალ წყარპიჯის იდვალუაფუ შანულამი ონიშოლი ნოღა ქერჩი. საროტიშ რეგიონი ჩხომიშ მიარე გვარობაშ რეწუაშ შანულამი ზონა რე. ქერჩიშ საროტის კანკალე მუნაჩემეფით ევროპაშ დო აზიაშ ხურგა გჷნმურს, ნამუშ მეჯინათ აზოვიშ ზუღა ევროპაშ ნორთის სქიდუ. საროტის ჸარენს ორკინაშარე ბორანი.

რესურსეფი ინტერნეტის[რედაქტირაფა | წყუშ რედაქტირაფა]